留白居酒屋 (已結業)

疫情期間冇得去旅行， 又思鄉病發作， 忽發奇想不如嚟一轉本地日本遊。 先去有日本城之稱嘅屯門市廣場， 逛逛Donki, 又再逛逛新開嘅 GU, 視覺滿足了就去滿足吓味蕾，屯門要找一間十分日本餐廳不容易，上網找找發現景峰輕鐵站有間居酒屋， 正合我心意可以飲飲啤酒食下串燒， 和朋友傾下計放鬆一下心情。來到發現舖頭門口嘅佈置十分日式， 好可惜門口已有客人，有機會一定再嚟坐門口， 一邊呼吸新鮮空氣一邊食串燒和飲啤酒。嚟到居酒屋梗係要飲啤酒啦，我和朋友都叫了生啤， 生啤的而且確比罐裝啤酒好飲，尤其Premium Suntory 有啲蜜糖味，比較適合女性飲。串燒我們叫了幾款，有煙肉卷車厘茄，燒火鷄腎鹽燒翠肉瓜，汁燒鷄肉鹽燒五花腩，醬燒豬舌再叫了炸魚手指及送酒一流的味碄魚乾坐坐下見到有個牌寫着餐廳選用新瀉米，咁就要叫個和風牛肉飯，試下啦。