嚐品慕茶 (已結業)

牛頭角的街坊有好嘢食啦！座落廠廈區的閣樓，近月新開咗間抵食半自助餐cafe。一踏入門口，嘩！佔地約3000呎的餐樓相當寬敞，裝潢清雅……有梳化、木枱、吊燈、花卉裝飾、木頭車、黑板、鍵琴、band鼓、透光玻璃、開揚街景……今日午市光顧，有多款午餐主菜選擇，點了一客龍脷柳泰式黃咖哩伴意粉。這種搭配較新，想不到不配白汁、嗆辣口感好夾味……講明半自助，梗係出去睇睇有什麼好食……沙律拌菜、麵包、腰豆、車厘茄……各適其適，是日餐湯爲大蒜蒜蓉湯、果汁有士多啤梨汁和蘋果汁，當然亦有咖啡、茶、檸……任斟任飲，暢快！埋單每位$72， 抵成咁的半自助餐，夫復何求！