影片
更多
2022-08-16
39 瀏覽
今日同朋友嚟食下呢間新開嘅地中海菜。佢係喺廟街附近嘅樓上鋪，樓下有水牌指示。先點咗個新鮮生蠔混合盤6隻（$188），其實我覺得都幾抵食。店員suggest我地跟住次序食三款生蠔。由海水味重啲嘅生蠔食到去creamy d嘅生蠔，感覺三款生蠔都非常新鮮，而且價錢又唔貴。另外覺得幾得意嘅係可能因為餐廳好近廟街，所以佢用個煲仔嘅方法裝住啲生蠔感覺好地道同有創意。我哋另外叫咗一個蒜香蛋黃醬配炸魷魚 ($88)個炸粉唔算好厚，魷魚彈牙有鮮味。落埋檸檬汁感覺更refreshing.脆烤麵包配鮮茄醬加欖油 ($48)呢個貌似最平淡嘅菜其實算係我今餐入邊覺得最有驚喜嘅菜式。麵包烤得啱啱好，嗰個脆身係一咬即斷唔會話硬到要咬得好辛苦。另外佢個鮮茄醬係真係新鮮蕃茄製成，好有蕃茄嘅香味，再加上麵包本身用咗橄欖油烤，成件事感覺好match。大推！麵包類我哋另外叫咗個黑椒鵝肝醬凍派配法式多士 ($128), 我哋初初都唔係好知咩叫凍派，原來佢係雪凍咗嘅鵝肝醬放咗落去嗰個玻璃甖度，側邊仲有牛油，俾你搽落麵包食。鵝肝醬份量好足夠，食落非常邪惡。青口配馬里涅拉舞醬汁 ($98)以一鍋青口嚟講呢個價錢幾抵食，依個口味都係第
先點咗個新鮮生蠔混合盤6隻（$188），其實我覺得都幾抵食。
店員suggest我地跟住次序食三款生蠔。由海水味重啲嘅生蠔食到去creamy d嘅生蠔，感覺三款生蠔都非常新鮮，而且價錢又唔貴。另外覺得幾得意嘅係可能因為餐廳好近廟街，所以佢用個煲仔嘅方法裝住啲生蠔感覺好地道同有創意。
我哋另外叫咗一個蒜香蛋黃醬配炸魷魚 ($88)
個炸粉唔算好厚，魷魚彈牙有鮮味。落埋檸檬汁感覺更refreshing.
脆烤麵包配鮮茄醬加欖油 ($48)
呢個貌似最平淡嘅菜其實算係我今餐入邊覺得最有驚喜嘅菜式。麵包烤得啱啱好，嗰個脆身係一咬即斷唔會話硬到要咬得好辛苦。另外佢個鮮茄醬係真係新鮮蕃茄製成，好有蕃茄嘅香味，再加上麵包本身用咗橄欖油烤，成件事感覺好match。大推！
麵包類我哋另外叫咗個黑椒鵝肝醬凍派配法式多士 ($128), 我哋初初都唔係好知咩叫凍派，原來佢係雪凍咗嘅鵝肝醬放咗落去嗰個玻璃甖度，側邊仲有牛油，俾你搽落麵包食。鵝肝醬份量好足夠，食落非常邪惡。
青口配馬里涅拉舞醬汁 ($98)
以一鍋青口嚟講呢個價錢幾抵食，依個口味都係第一次食，佢係蕃茄汁底，但係入邊仲食到好多香料嘅味道。雖然係地中海風味，但係感覺都幾港式呢。
張貼
