更多
2014-11-18
4459 瀏覽
趁肥髀考試放早，去廚神餐廳食個午餐！特登一開店就報到！唔使等位！直上2樓！坐到中間梳化位！地方好簡潔！深木傢俬為主，好英式感覺！餐廳好窄長，一頭一尾隔好遠！我們剛好對住中間開放式廚房！坐低就有個型仔男侍應招呼！會問定我要乜溫度嘅水！會蹲低少少迁就我哋高度講嘢，佢係專責負責我張枱（其實附近幾張都係佢負責，不過聽落好似佢只負責我一張枱 ）之後就介紹今日special,我只係對個貝殼類有興趣，另外介紹了一個魷魚頭盤！（本來想試網上講個必食焗磨菇好味，但話昨天賣晒 ）同一杯特飲！另外叫了人氣嘅黑松露扁意粉！叫完食物，影下相！好快特飲就到，黃色配青檸，味道酸酸甜甜，侍應話有青檸、熱情果、蘋果汁，味道清新，開胃一流！頭盤-炸魷魚：炸漿薄，魷魚唔韌，點埋香辣蛋黃醬！無咁熱氣！好味！意粉-黑松露意粉：好簡單一個意粉，上面松露片好多片，松露無乜味，松露好香，扁意粉有咬口，上面灑了少許芝士粉，侍應有問我要唔要多啲芝士粉，我話唔使，因為想試下原味係點！個意粉無花巧，但好好味！主菜-白酒煮三款貝殼：呢個係今日其中一個special，餐牌無的，侍應講解完，我覺得呢個啱食！上菜已經好鍾意，一個瓦砵內放有三款貝
好快特飲就到，黃色配青檸，味道酸酸甜甜，侍應話有青檸、熱情果、蘋果汁，味道清新，開胃一流！
頭盤-炸魷魚：炸漿薄，魷魚唔韌，點埋香辣蛋黃醬！無咁熱氣！好味！
意粉-黑松露意粉：好簡單一個意粉，上面松露片好多片，松露無乜味，松露好香，扁意粉有咬口，上面灑了少許芝士粉，侍應有問我要唔要多啲芝士粉，我話唔使，因為想試下原味係點！個意粉無花巧，但好好味！
主菜-白酒煮三款貝殼：呢個係今日其中一個special，餐牌無的，侍應講解完，我覺得呢個啱食！上菜已經好鍾意，一個瓦砵內放有三款貝殼（青口、蜆、螄蚶）用白酒汁煮，裡面仲有啲車厘茄，貝肉好鮮嫩，一啲都唔韌，而且多汁，咬開就爆汁，好好味，平時食青口覺得好粉或好韌，而且無味，但今次個藍貝青口，肉好嫩多汁！白酒汁好香，加上貝殼內嘅汁，鮮到忍不住要飲晒！但件跟上嘅香草麵包就硬啲，味道其實唔錯，雖然話係即日新鮮焗製！但自己比較喜歡鬆軟嘅麵包！所以一般！
食完主菜，問侍應甜品有乜好介紹，佢攞個甜品餐牌比我，上面有六款甜品，佢同我講邊三款係Top three！
甜品-檸檬撻：網上話好味，又係top three其中之一，侍應上菜時提醒淨食會偏酸，最好加埋上面嘅甜忌廉一齊食！酸酸甜甜，就好味！食落似紐約芝士餅咁實，好酸，加忌廉蛋白會平衡啲，但食到尾都覺得膩，
甜品-士多啤梨雪榚：雪榚似沙冰，奶味唔重，士多啤梨新鮮爽甜，中間夾雜啲香草，好清新，食飽時食呢個可以解膩！兩塊薄脆好味，唔錯！
店員勤快，一眼關七，好好服務！埋單時會比個folder,裡面有單，會寫明餐廳唔收小費，單據下面有三欄位比客人揀，比幾多%小費，10%、12.5%、或唔比，呢個侍應好細心，值得比！揀好就放回folder,侍應唔會知道你有比幾多而黑面！好有私隱！好貼心！
食了餐舒服滿足嘅午餐！
張貼
