Little Fresh Cafe & Bar (已結業)

今次嚟到旺角一間樓上嘅小店，店舖嘅座位大約只有20個。星期六日都有午市套餐，百幾蚊就有沙律或者餐湯，跟一個主菜同埋飲品。前菜我哋揀咗餐湯同蒜蓉包，蒜蓉包蒜味好食，角度脆卜卜，但又唔會好乾身。餐湯係蘑菇湯，菇菌嘅味道好濃郁，個人覺得忌廉嘅比例可以再多啲，令到個湯更加Creamy。主菜方便要咗鮮茄菠蘿豚肉意大利粉，我食得出廚師係用咗外國入口嘅蕃茄同埋豚肉，所以味道同平時喺街食嘅好唔同。蕃茄有一陣獨特嘅甜酸味，而豚肉就好有豬味。另外一款主菜要咗慢煮鴨髀，廚師同我哋介紹係煙燻咗四日。有啲似Parma Ham，有少少煙熏味，味道略為偏鹹，但係配埋薯蓉同蔬菜食就啱啱好。鴨髀嘅肉質都非常嫩滑。食得出廚師喺用料同埋製作食物時候嘅用心。