麻辣香鍋

營業中

休息中

今次係第二次黎到麻辣香鍋，辣野呢度真係算好正宗，出面好多地方食完都會口乾乾，但呢度就完全無，份量大價錢合理，好岩一班朋友食飯聚餐🌟金湯酸菜魚｜$188湯底酸酸辣辣非常開胃，呢個金湯酸菜魚份量真係好充足👍魚肉多之餘，連啲薯粉配菜都好多，3-4個人食都無問題，魚肉夠曬雪白，而且唔腥又無骨，對於平時唔係好食魚既人嚟講都可以一試，薯粉更加係重點🤣吸晒金湯既味🌟任選五餸招牌香鍋｜$242招牌香鍋可以自選最少五款配料，我哋就揀咗新鮮鮑魚4件，雞件，牛肉片，墨魚餅，薯粉，口味方面我哋就揀咗微辣🌶鮑魚食落新鮮彈牙，雞肉就略為炸得有啲乾，反而墨魚餅最有驚喜🤩彈牙又入味，索晒精華真係好好食