影片
更多
2007-09-23
30 瀏覽
黎依度食一定要早, 如果係星期五就真係要好早, 事關攞左籌既人基本上都會等. 我七點九開始都等左個半鐘, 到九點三先入到. 佢裝修都幾精緻, 有好多廂座, 所以都幾啱三五知己去食.依度大部份既餐單都係吉列野, 我就叫左個大蝦帶子同埋一個豬扒配白醋汁. 佢好快就會黎個芝麻磨, 第一次黎唔知係乜, 原來係俾你磨完加醬汁食豬扒用, 磨o個時已經有一陣芝麻香, 等野食o個時玩都幾得意. 跟住就要試下d野食.前菜: 係豆腐, 雖然唔係滑o個隻但都唔錯.大蝦帶子: 帶子好大粒, d蝦都好大隻. 可以點海鹽, 蘿蔔白醋汁, 沙律醬. 唔同食法都可以試試.豬扒: 同樣炸得好鬆脆但唔油. 可以點芥末, 芝麻醬油, 或蘿蔔白醋汁. 真係幾好味.菜: 依度白飯同菜都任食, 侍應會好殷勤問你要唔要添加. d菜可以點芝麻汁同柚子汁. 個人比較喜歡芝麻汁.最後食完, 佢仲會換個杯茶俾你, 再送西瓜.依度食物同服務都好好, 係嫌貴d, 每人要成二百蚊落樓.想睇相可以到.http://klcchung.blogspot.com/2007/09/d_23.html或我個飲食bloghttp://www.calebchu
依度大部份既餐單都係吉列野, 我就叫左個大蝦帶子同埋一個豬扒配白醋汁. 佢好快就會黎個芝麻磨, 第一次黎唔知係乜, 原來係俾你磨完加醬汁食豬扒用, 磨o個時已經有一陣芝麻香, 等野食o個時玩都幾得意. 跟住就要試下d野食.
前菜: 係豆腐, 雖然唔係滑o個隻但都唔錯.
大蝦帶子: 帶子好大粒, d蝦都好大隻. 可以點海鹽, 蘿蔔白醋汁, 沙律醬. 唔同食法都可以試試.
豬扒: 同樣炸得好鬆脆但唔油. 可以點芥末, 芝麻醬油, 或蘿蔔白醋汁. 真係幾好味.
菜: 依度白飯同菜都任食, 侍應會好殷勤問你要唔要添加. d菜可以點芝麻汁同柚子汁. 個人比較喜歡芝麻汁.
最後食完, 佢仲會換個杯茶俾你, 再送西瓜.
依度食物同服務都好好, 係嫌貴d, 每人要成二百蚊落樓.
想睇相可以到.
http://klcchung.blogspot.com/2007/09/d_23.html
或我個飲食blog
http://www.calebchung.com/FoodBlog.htm
張貼