Lava Java 咖啡西餐廳 (已結業)

觀塘有好多有心既工廈餐廳，吸引唔少人黎覓食，今次搵到間Lava Java，個名起得幾好，唔知野食係點呢?間餐廳好近地鐵站，地理位置好方便，上到去，發現餐廳裝潢寧靜優美，空間寬敞，有遠離煩囂既感覺，非常舒適，好岩d想清心食餐飯既人。選擇咗個set dinner，Starter方面有成6款揀，有沙律有湯，揀咗羅宋湯，味道正常，都幾大路，味道偏濃。Main course揀了安格斯肉眼，五成熟，外層煎到好香，內裡肉質又嫩又鮮美，肉味都幾香，唔錯。炸軟殼蟹南瓜飯，呢個飯都幾有Cafe既感覺，軟殼蟹既size我覺得都幾大，咬開有蟹膏，食落外脆內嫩，好香。至於個飯，好香甜而creamy，但不膩，南瓜味幾濃郁。