影片
更多
2020-09-10
1050 瀏覽
朋友生日當然要食好D，今次就去左白沙灣酒店既食之劇場餐廳食omakase慶祝，晚宴有四款SET，一人價錢由$700至$1400左右，反正都黎到就揀最貴既星 HOSHI SET，食之前餐廳師傅出黎自我介紹，然後講解左個前菜三味，感覺態度好認真同埋介紹得好詳細，師傅建議我地由最淡味食到最濃味•愛知縣無花果配沙律汁呢個無花果就咁食有淡淡嘅果香同埋甜味，感覺比香港賣嘅無花果甜同埋飽滿，配埋沙律汁食會令到個味道更加立體•天婦羅呢個天婦羅係一塊紫菜加好多魚仔組成，炸粉好薄，而且炸得好脆，不過坦白講係有少少油，所以感覺一般•豆乳凍配面豉呢個好特別，食落下面係嘅豆乳凍好香豆味，而且食落好順滑，面頭鋪滿左面豉豆，配返豆乳凍食可以中和返面佢個咸味，食落仲幾甘刺身三味配左個白豉油，佢係由黑豉油提鍊而成，食落會比較鮮重d同埋冇咁咸。聞落係好大浸木魚乾味，好香～•石垣貝佢個質感有d似象拔蚌，但就冇咁爽，味道好清甜，建議呢個唔好點豉油食先會更加食到佢個鮮甜•北海道石蠔配和風汁隻蠔都幾大隻架，大約係L size，仲好飽滿，食落係甜味、海水味同金屬味都好平衡嘅感覺，好creamy，個蠔味濃到係會不斷係個口度徘徊，超令
•愛知縣無花果配沙律汁
呢個無花果就咁食有淡淡嘅果香同埋甜味，感覺比香港賣嘅無花果甜同埋飽滿，配埋沙律汁食會令到個味道更加立體
•天婦羅
呢個天婦羅係一塊紫菜加好多魚仔組成，炸粉好薄，而且炸得好脆，不過坦白講係有少少油，所以感覺一般
•豆乳凍配面豉
呢個好特別，食落下面係嘅豆乳凍好香豆味，而且食落好順滑，面頭鋪滿左面豉豆，配返豆乳凍食可以中和返面佢個咸味，食落仲幾甘
刺身三味配左個白豉油，佢係由黑豉油提鍊而成，食落會比較鮮重d同埋冇咁咸。聞落係好大浸木魚乾味，好香～
•石垣貝
佢個質感有d似象拔蚌，但就冇咁爽，味道好清甜，建議呢個唔好點豉油食先會更加食到佢個鮮甜
•北海道石蠔配和風汁
隻蠔都幾大隻架，大約係L size，仲好飽滿，食落係甜味、海水味同金屬味都好平衡嘅感覺，好creamy，個蠔味濃到係會不斷係個口度徘徊，超令人回味
•拖羅
睇都見到佢勁多油花，而且分佈到好平均，一入口就已經開始溶，仲要勁香濃魚油味，食完成個口都係果股香味
•鱈魚燒
魚肉幾結實，而且加左醬汁係面之後燒得好香，配埋個沙律醬食好惹味
•A4和牛壽喜燒
呢個真係健康得黎又好食~個A4和牛係超淋，一食係首先有浸似煙燻嘅味先，之後d脂肪位係會係個口度溶化左，完全係幸福嘅感覺～牛肉底下仲有好多蔬菜，非常健康～個壽喜燒汁都好好味，配埋蒟蒻條真係絕配，QQ彈彈又吸晒d汁，真係唔惹少!
•自家製甜品
呢個甜品全部野都係師傅自己親手整，入面有雲呢拿雪糕、黃豆粉闕餅同埋面頭鋪左日本紅豆，雪糕係非常香濃嘅，而且好順滑，真係食到同出面買嘅好唔同，而個闕餅質地比出面買嘅要軟一d，我覺得呢個口質非常之好，呢個甜品用黎總結成餐飯真係感覺好完滿~
張貼
