更多
2019-07-30
802 瀏覽
友人想食韓國嘢，醒起之前喺厚福街食過一間幾好食，就帶咗佢嚟試吓。未出lift已經聽到餐廳播緊kpop，行到門口見到有一幅牆可以俾食客掛情人鎖。另外餐廳搞緊「給未來自己的信」活動，可以問侍應拎postcard，寫完後餐廳會喺一年後寄返俾你。點咗炭豚飯卷。kimbap喺我最喜愛的韓食係三甲之內，好鍾意成舊放入口，麻油好香口。廚師仲用醬汁畫咗隻貓仔，好QQ。水冷麵嘅辣醬係分開上，另外仲有醋同芥辣醬汁按自己口味添加。麵身彈牙又有嚼勁，就算冰粒溶化，個湯底都唔會溝到好淡。配料除咗有青瓜、雞蛋外，仲有爽口嘅豬腳，好煙韌。韓食點少得炸雞同啤酒？！點咗半份香辣炸雞，跟碟仲有炸薯條同薯格。炸雞嘅皮有點過乾，但雞肉都幾嫩滑，仲好juicy!Hite Draught Beer做緊買二送一，但友人唔飲酒，享受唔到優惠。火灸年糕有兩種，一種有層脆薄糖衣包住，一咬就食到陣陣甜味。另一種就沾滿韓式辣醬，味道較傳統。友人都幾滿意呢度嘅食物，好在冇介紹錯！
未出lift已經聽到餐廳播緊kpop，行到門口見到有一幅牆可以俾食客掛情人鎖。另外餐廳搞緊「給未來自己的信」活動，可以問侍應拎postcard，寫完後餐廳會喺一年後寄返俾你。
點咗炭豚飯卷。kimbap喺我最喜愛的韓食係三甲之內，好鍾意成舊放入口，麻油好香口。廚師仲用醬汁畫咗隻貓仔，好QQ。
水冷麵嘅辣醬係分開上，另外仲有醋同芥辣醬汁按自己口味添加。麵身彈牙又有嚼勁，就算冰粒溶化，個湯底都唔會溝到好淡。配料除咗有青瓜、雞蛋外，仲有爽口嘅豬腳，好煙韌。
韓食點少得炸雞同啤酒？！點咗半份香辣炸雞，跟碟仲有炸薯條同薯格。炸雞嘅皮有點過乾，但雞肉都幾嫩滑，仲好juicy!
Hite Draught Beer做緊買二送一，但友人唔飲酒，享受唔到優惠。
火灸年糕有兩種，一種有層脆薄糖衣包住，一咬就食到陣陣甜味。另一種就沾滿韓式辣醬，味道較傳統。
友人都幾滿意呢度嘅食物，好在冇介紹錯！
張貼
