維亞軒餐廳 (已結業)

今晚來了這間餐廳，見門口餐牌免收加一。餐廳內客人唔多，有電視睇，整體環境似西式餐廳格局。職員似大陸人或婦人招待，感覺同餐廳格格不入。2個職員都帶點大陸口音和說話有點粗魯，有點失去西式餐廳格局職員應有既儀態。2個職員的招待令我覺得似港式茶餐廳的感覺。叫左一個焗飯晚餐和一個美式什扒。紅湯可以接受，有點稀。白湯又淡又稀，味道一般。焗飯可以接受，麵包如果係熱既話，應該會好食啲。美式什扒係最大驚喜，$75，好大份量包括有煎蛋，腸仔，豬扒，雞扒，火腿，薯仔。其中豬扒和雞扒好大件。跟餐有湯，包和熱飲。食野途中，發現原來2個職員都好落力招呼客人，有耐性和細心，也有禮貌。仲有1個男職員，後生少少。佢地關係融洽，感覺似一個大家庭的感覺。令我覺得，不能以貌取人，佢地既招呼，好過很多年青人，一般西式餐廳的招待，職員多是無耐性或態度麻麻。但這一間卻是充滿人情味，啲職員同客人好似識左好耐咁，職員熱情招待，令我原本有啲覺得2個職員很儀態失禮，卻在另一方面發現原來佢地做野係有heart 工作的，敬業精神。