影片
更多
2022-09-29
75 瀏覽
突然好想食雞煲，決定早少少六點左右上左黎，呢個時段無咁多人唔駛等位。今次就揀咗最平嘅A餐，雞煲就叫左小辣，小辣既麻度同辣度都岩岩好。落好晒單就出去自助吧度調製醬油，仲可以拎埋嘢飲同新鮮嘅蔬菜。值得一讚嘅係飲品方便，除咗多款凍飲嘅選擇多之外，連熱飲都有好幾款，啱晒我哋呢啲要開始養生嘅中女😆等緊上菜嘅同時先試下小食，叫咗麻辣鴨血同台灣一口腸，都好唔錯！雖然A餐係最平，但係都有齊晒豬牛羊雞海鮮!!!!牛方面都有兩種選擇：雪花肥牛&特級肥牛，個人較喜歡雪花肥牛，佢既脂肪分佈比較平均，食落去更香更嫩。海鮮方面，海中蝦好新鮮，味道鮮甜，肉質口感好爽。而聖子就偏細隻，不過都幾肥美。鍾意食呢間其中一個原因係因為佢哋有鵝腸，仲要係任食！鵝腸都好爽脆！除咗肉類之外，食齋嘅朋友都唔需要擔心，素食種類都好多。最鍾意將蔬菜煮到淋晒，索晒啲汁，好滋味！
突然好想食雞煲，決定早少少六點左右上左黎，呢個時段無咁多人唔駛等位。
今次就揀咗最平嘅A餐，雞煲就叫左小辣，小辣既麻度同辣度都岩岩好。
落好晒單就出去自助吧度調製醬油，仲可以拎埋嘢飲同新鮮嘅蔬菜。
值得一讚嘅係飲品方便，除咗多款凍飲嘅選擇多之外，連熱飲都有好幾款，啱晒我哋呢啲要開始養生嘅中女😆
等緊上菜嘅同時先試下小食，叫咗麻辣鴨血同台灣一口腸，都好唔錯！
雖然A餐係最平，但係都有齊晒豬牛羊雞海鮮!!!!牛方面都有兩種選擇：
雪花肥牛&特級肥牛，個人較喜歡雪花肥牛，佢既脂肪分佈比較平均，食落去更香更嫩。海鮮方面，海中蝦好新鮮，味道鮮甜，肉質口感好爽。而聖子就偏細隻，不過都幾肥美。鍾意食呢間其中一個原因係因為佢哋有鵝腸，仲要係任食！鵝腸都好爽脆！
除咗肉類之外，食齋嘅朋友都唔需要擔心，素食種類都好多。最鍾意將蔬菜煮到淋晒，索晒啲汁，好滋味！
張貼
