好燒式串燒專門店 (大南街)

營業中

休息中

今次係我第三次幫襯，次次同唔同嘅朋友黎，大家都係覺得呢度平靚正，侍應服務態度好好，老闆間中都會走黎問嘢食齊未，所以現場大多係熟客仔。今次我地點咗d海鮮，真係好好味，燒得啱啱好，唔會過熟，特別係蟶子，應該係蟶子皇，好鮮甜。而其他海鮮都新鮮，唔會話有異味，不過燒蠔我就覺得落煙肉白汁就唔太啱我口味。我地叫咗幾次牛舌，因為真係燒得啱啱好，用黎送酒一流。而其他串燒都不錯，燒得啱啱好，好多好味嘅大家都有再encore, 落咗好多次單，連侍應妹妹都話頭先已經落咗，係咪要再落😅😅，應該睇唔出我地4條友咁食得。我個人最中意係蒜蓉包，粟米，豆腐同韮菜。