Top Blade Steak Lab (新城市廣場一期) (已結業)

平鐵不平鐵 that is the question 餐廳主打香草平鐵牛扒 (herbly flat iron)，同時亦有其他選擇，例如today's special或者豬鞍等等，today's special有時會係慢煮之類，豬鞍其實又幾好食，特別係配菜嘅粟米（睇吓有冇機會下次再寫）。今次已經唔係第一次黎，食過幾次之後發覺都係herbly flat iron最抵食，再加埋任食薯條，叫杯啤酒，咁就一餐，爽。 一般黎講都係按人頭份量先上薯條，應該係有用到黑松露油（好似係），因為薯條帶有淡淡嘅黑松露香氣。個人食用口味上比較喜歡加少少黑胡椒。食完半份薯條就差唔多到牛扒出場（如果食得快嘅可能會食完一份）。 牛扒嘅野我真係識條鐵，今次就跟餐廳嘅建議叫左medium（其實平時喺其他地方多數都叫medium rare）。🧂碟邊有少少鹽，覺得唔夠味可以點少少，想重口味嘅就點多啲。🧄原粒蒜頭焗完好香，雖然我觀察到好多人都係唔食，又或者只係試少少，而我就一般都係食半粒多少少。🍟食完牛扒就再叫一份薯條（有時兩份，睇下有幾肚餓啦），如果唔係點對得住個任食。