更多
2020-06-28
468 瀏覽
突然間吹起一陣車仔麵風,於是就連續兩餐食車仔麵。某日放工之後已經好夜,見到呢間仲開門營業所以就特登搭車去。呢間嘅選擇真係好多而且唔普通,好多款式其他車仔麵舖都未見過。我就叫咗溏心蛋、肉燥、蘿蔔配韓式粉絲;男朋友就叫咗豬大腸、豬軟骨、牛腩配米粉,另外見到好多人都推介手打墨魚餅,我地又叫咗一份試下。首先要講下個墨魚餅,即叫即整,上枱時熱辣辣,每一塊都食到有墨魚粒,真材實料,畸嫌少許油膩。溏心蛋、肉燥、蘿蔔配韓式粉絲 有肉燥所以叫咗走湯,變咗撈粉絲。肉燥咸甜適中,蘿蔔鮮甜無渣,溏心蛋生熟剛好豬大腸、豬軟骨、牛腩配米粉 豬大腸入口即溶,豬軟骨不會過稔有口感,牛腩入味不乾身
張貼