金坊泰國美食

營業中

休息中

講起食泰國嘢 大家可能都係諗起九龍城 但係其實紅磡都有好食嘅泰國菜 今日下晝就嚟咗呢一間金坊泰國美食🤭餐廳有少少似茶餐廳嘅感覺 有每日嘅精選午餐 啱晒啲選擇困難症嘅朋友呀🥰泰式無骨豬手飯貫徹返茶餐廳嘅感覺 豬手飯真係大件夾抵食 無骨豬手鋪滿成個飯面😝 飯嘅份量亦都好多 豬手滷得好入味 可以改善嘅係滷水蛋 雖然係配菜 但係真係好硬啊😂鮮蝦炒金邊粉 加辣要食金邊粉都係有少少辣味比較啱口味 金邊粉炒得幾乾身😉 撈埋花生碎同芽菜 口感唔錯 雖然上碟嘅時候唔係好見啲鮮蝦 但係其實啲鮮蝦係呢個金邊粉嘅底🙊呢間泰國餐廳 價錢真係好平民 啱晒糧尾又想食泰國嘢嘅朋友😆