野菜咖喱事務所 Curry Man (已結業)

Green Saturday。性價比高嘅日式咖哩飯， 因為有事要去附近嘅工廈先有機會嚟到葵涌食飯 。單點 $38，加 $8 可以轉有味冰茶。我要咗白桃冰茶。，Total $46，加錢轉嘢飲個人認為依然係抵食。野菜同咖哩互補，蔬菜的甜味令日式咖哩多個層次。 白飯唔係粗糙嘅白米，都係用珍珠米，粒粒分明有咬口亦都有少少黏口。 擺盤亦都唔會好隨便，唔似某啲茶餐廳師父就咁倒個汁上白飯面。野菜分別有: 蕃茄，翠玉瓜，秋葵，西蘭花與莖，三色椒，茄子，紅蘿蔔，薯仔，豆。基本上每種蔬菜各一。 大大舊，整體蔬菜都係甜嘅只係秋葵個皮有少少渣。白桃冰茶唔會好甜，佢茶味比較重唔係嗰啲放好多醣漿落去嘅有味茶。平日出街食飯師傅都係隨便搭條菜心，喺呢度食就一次過可以補充唔同嘅維他命同纖維，但放心唔會唔夠飽，因為飯同蔬菜嘅份量都好足。堂食枱唔多，都係鋪面出面放幾張摺枱同凳，大部分嘅人都係外賣拎走，如果堂食就會對住馬路或者路人食。位置亦唔難搵，a出口一出上天橋行一兩分鐘就到。如果行地面就直行轉右，我呢啲路痴都搵到。