燒肉King (已結業)

之前經過油麻地見到一間裝修幾舒服嘅燒肉店剛剛開張，燒烤控嘅我，更係要提議去試吓啦！入到去真係幾舒服，起碼唔會好大油煙味，裝修仲好光猛。今次我哋4個人叫咗2個2人餐再加少少散叫，佢嘅2人餐真係好抵食，有餐湯有前菜仲有日本A4黑毛和牛！！$498 真係好良心價平時食一塊A4黑毛和牛都幾百蚊啦！雖然個餐嘅和牛唔係厚切，薄薄地勝在自己容易掌握火候，燒一陣已經食得，啲肉質軟滑，牛嘅油香味配埋個熱辣辣日本白飯真係無得頂今次個餐係有A4黑毛和牛肩胛同肉眼，我地散叫咗A4黑毛和牛小排，日本雞頸肉等等，全部品質都好好食不過一定要配白飯，因為油脂含量比較重，單食嘅話食多兩件就會有啲膩個人覺得個餐如果可以多少少蔬菜類就完美喇🙈🙈除咗食物質素性價比高，佢哋嘅抽風同環境都想讚下，平時食燒肉，好多時食完都成身燒烤味，仲好嘈，完全傾唔到計，但依度傾到計之餘仲無燒烤油煙味！仲坐得好舒適，又可以慢慢食。一定再有下次去幫襯！