影片
更多
2024-06-04
246 瀏覽
今次我工作關係黎左沙田做野，知道呢度開左間深圳好出名既潮汕餐廳，一場黎到梗係黎朝聖下啦😎餐廳人氣真係好勁，排曬長龍，如果想黎食既，記得用GULU app攞定飛，慳番d等位時間，好彩我都等得到，唔係趕住做野冇得食就慘🥲工作日雙人午餐（$198）呢個2人餐只有星期一至五既11:00-14:00有得叫，公眾假期係無呢個餐既，呢個餐都好多野食，即刻講下我食左咩先🤪潮州特色脆餅呢個特色既餅係每枱客人都會送既，裡面係有黑糖味，幾好食😗鳳凰單叢本身餐廳都有茶飲，而二人餐就有杯鳳凰單叢既功夫茶提供🫖潮滷拼盤例呢個拼盤都幾大碟，有鵝肉，鵝掌，鵝血，豆腐同滷蛋，佢地既滷水食物調味真係好，個汁香咸得黎唔會太重口味😍頭水紫菜牛丸湯2位呢個湯原來係跟魚丸既，但佢佢地話咀岩無貨，改用牛丸比我地，牛丸一咬爆汁，係潮汕牛丸既味道呀，改成牛丸我仲鐘意，唔知下次黎食有冇得要求轉牛丸🤣香煎鯧魚半條魚肉好滑，而且佢好有魚油既香味，記得要食埋佢個面豬肉🐟雞汁普寧豆干呢個豆干佢既雞汁係另上既，加幾多自己控制，豆卜類野食最正就係索左d汁，我梗係倒曬落去啦✌🏻潮汕七樣菜呢個係上湯雜菜煲，撈勻中間既黃豆醬食，清清地中和番以上既餸菜🥦🥬
餐廳人氣真係好勁，排曬長龍，如果想黎食既，記得用GULU app攞定飛，慳番d等位時間，好彩我都等得到，唔係趕住做野冇得食就慘🥲
工作日雙人午餐（$198）
呢個2人餐只有星期一至五既11:00-14:00有得叫，公眾假期係無呢個餐既，呢個餐都好多野食，即刻講下我食左咩先🤪
潮州特色脆餅
呢個特色既餅係每枱客人都會送既，裡面係有黑糖味，幾好食😗
鳳凰單叢
本身餐廳都有茶飲，而二人餐就有杯鳳凰單叢既功夫茶提供🫖
潮滷拼盤例
呢個拼盤都幾大碟，有鵝肉，鵝掌，鵝血，豆腐同滷蛋，佢地既滷水食物調味真係好，個汁香咸得黎唔會太重口味😍
頭水紫菜牛丸湯2位
呢個湯原來係跟魚丸既，但佢佢地話咀岩無貨，改用牛丸比我地，牛丸一咬爆汁，係潮汕牛丸既味道呀，改成牛丸我仲鐘意，唔知下次黎食有冇得要求轉牛丸🤣
香煎鯧魚半條
魚肉好滑，而且佢好有魚油既香味，記得要食埋佢個面豬肉🐟
雞汁普寧豆干
呢個豆干佢既雞汁係另上既，加幾多自己控制，豆卜類野食最正就係索左d汁，我梗係倒曬落去啦✌🏻
潮汕七樣菜
呢個係上湯雜菜煲，撈勻中間既黃豆醬食，清清地中和番以上既餸菜🥦🥬
蠔仔泡粥
主食係著名既潮州菜式蠔仔粥，佢既蠔仔分量都唔少，底下有蠟燭暖住煲粥，唔洗怕佢凍左唔好食，蠔仔都冇腥味，掂👏🏻
椰汁仙草蜜2位
最後仲有碗仙草甜品作結，係用椰汁唔係花奶，味道都幾夾🥥
呢個2人餐真係控到爛，有魚有肉有菜，仲有湯，粥，甜品，同人講我lunch食左咁多野只係每人$100真係個個都嘩一聲，唔怪得要排長龍先食到🫡
張貼
