Promenade 西餐廳

營業中

休息中

好耐之前嚟過呢度食自助餐，印象係地方好大食物款式好多。咁啱見到做緊買二送二嘅優惠，就試吓依家水準如何啦。凍海鮮既蟹腳都算唔錯，有啲鮮味又唔會太乾。另外翡翠螺同蝦都好味。但係龍蝦就有啲似擦子膠，咬唔開又冇乜味。魚生就有紅蝦、帶子、八爪魚、三文魚、馬刀貝同埋吞拿魚，整體都算新鮮，質素可以接受。佢嘅鵝肝多士係即場煎嘅，鵝肝都幾大塊，不過就要排得比較耐。甜品選擇唔算多，最出色嘅係芒果拿破崙同榴槤拿破崙。另外試咗佢用光波爐加熱嘅疏乎厘，太甜喇，又冇乜蛋味，可以不試。飲品方面，除咗一般嘅罐裝飲品，經訂購平台訂位仲有得任飲紅白酒同橙汁蘋果汁。另外場中間有個攤位可以任飲Hoegaarden 啤酒，呢方面就做得唔錯。總體嚟講呢度比較適合一家大細，因為食物款式好多可以啱唔同人嘅口味，不過食物水平只係一般，冇乜邊樣特別突出。