97
6
4
等級4
2020-03-11 2299 瀏覽
由於新型冠狀病毒疫情持續,近乎日日都有新增個案,飲食業當然一啲都唔好過。見到有酒店餐廳連外賣都有做,就知大家為保生意,都要扭盡六壬。而家下唔少餐廳都以外賣為主力,近排就見Openrice同好多餐廳合作推出好多獨家外賣自取優惠,攞過米芝蓮推介嘅「泰潮」就喺其中一家。一來挾着米芝蓮嘅「朶」,二來個外賣自取優惠又的確非常吸引,怪唔之得門外都好多人等拎外賣。而且,門口張枱仲埋滿好多外賣等人拎。因為實在太抵食,隔咗幾日又再叫,試咗兩款唔同嘅飯品。順手拎咗啲單張俾大家參考,有散點、、午市套餐及晚市時先供應嘅一人套餐。第一次嘅外賣,小弟就點咗泰式滷水豬脾飯,因為個豬脾飯實在太抵,所以,梗喺要多份炸魚餅啦,同樣有半價優惠,兩樣夾埋都喺$51,仲送埋個涉。泰式炸魚餅(4件) $20因為個豬脾飯太抵,所以,梗喺要多份炸魚餅啦,原價$40,依家半價$20咋。啲魚餅炸得金黃,仲有啲椰菜絲、甘筍絲墊底,始終整好咗一段時間,拎到返嚟又等咗段時間,都好難仲喺熱辣香口,不過,食落就覺得唔喺啲勁溝粉貨色,卻又唔喺好爽彈,而有一陣陣香葉味,但就意外哋幾辣吓。泰式清雞湯買飯品仲會附送湯品,湯內有大大嚿冬瓜,唔喺睇番啲外賣單
更多
由於新型冠狀病毒疫情持續,近乎日日都有新增個案,飲食業當然一啲都唔好過。見到有酒店餐廳連外賣都有做,就知大家為保生意,都要扭盡六壬。而家下唔少餐廳都以外賣為主力,近排就見Openrice同好多餐廳合作推出好多獨家外賣自取優惠
,攞過米芝蓮推介嘅「泰潮」就喺其中一家。
14 瀏覽
0 讚好
0 留言
一來挾着米芝蓮嘅「朶」,二來個外賣自取優惠又的確非常吸引,怪唔之得門外都好多人等拎外賣。而且,門口張枱仲埋滿好多外賣等人拎。因為實在太抵食,隔咗幾日又再叫,試咗兩款唔同嘅飯品
5 瀏覽
0 讚好
0 留言
順手拎咗啲單張俾大家參考,有散點、、午市套餐及晚市時先供應嘅一人套餐。
73 瀏覽
0 讚好
0 留言
56 瀏覽
0 讚好
0 留言
81 瀏覽
0 讚好
0 留言
73 瀏覽
0 讚好
0 留言
第一次嘅外賣,小弟就點咗泰式滷水豬脾飯,因為個豬脾飯實在太抵,所以,梗喺要多份炸魚餅啦,同樣有半價優惠,兩樣夾埋都喺$51,仲送埋個涉。
泰式滷水豬脾飯+泰式炸魚餅
8 瀏覽
0 讚好
0 留言
泰式炸魚餅(4件) $20

因為個豬脾飯太抵,所以,梗喺要多份炸魚餅啦,原價$40,依家半價$20咋。啲魚餅炸得金黃,仲有啲椰菜絲、甘筍絲墊底,始終整好咗一段時間,拎到返嚟又等咗段時間,都好難仲喺熱辣香口,不過,食落就覺得唔喺啲勁溝粉貨色,卻又唔喺好爽彈,而有一陣陣香葉味,但就意外哋幾辣吓。
泰式炸魚餅
$20
4 瀏覽
0 讚好
0 留言
泰式炸魚餅
8 瀏覽
0 讚好
0 留言
泰式清雞湯

買飯品仲會附送湯品,湯內有大大嚿冬瓜,唔喺睇番啲外賣單張,仲以為佢喺冬瓜湯。入口好似有微微香茅味,帶點點酸,幾清爽,喺有種泰式風味。
泰式清雞湯
10 瀏覽
0 讚好
0 留言
泰式滷水豬脾飯 $31

個豬脾飯好食又抵食,睇樣就見到飯多,餸又多,唔單喺得啲豬脾肉,除見到有半隻滷水蛋,下面仲有啲滷大腸呀、泰式鹹菜呀,份量夠晒十足,絕對無話喺自取優惠就將貨就價。豬脾、大腸都滷得極之入味,而且,豬脾肉入口超鬆化,皮下脂肪食落又唔覺好油膩。正價要$60一客,依家晌優惠下就食到,所以,咪話佢好食又抵食囉
泰式滷水豬脾飯
$31
6 瀏覽
0 讚好
0 留言
泰式滷水豬脾飯
9 瀏覽
0 讚好
0 留言
第二次嘅外賣就試吓佢哋嘅「米芝蓮」海南雞飯,再搭一客泰式炸春卷,今次仲平,夾埋都只不過$46。
泰式炸春卷+泰潮海南雞飯
3 瀏覽
0 讚好
0 留言
泰式炸春卷(4件)$15

第二次再食佢啲外賣,小食就揀咗炸春卷,依然喺半價優惠,睇樣好唔錯,不過,都喺同一個問題,由製作好到拎返嚟公司,頭尾都超過廿分鐘,過晒氣,入口啲春卷唔再脆,腍晒身,但食落裡面都好足料。故此,如嗌外賣就真喺唔建議。
泰式炸春卷
5 瀏覽
0 讚好
0 留言
泰式炸春卷
7 瀏覽
0 讚好
0 留言
泰潮海南雞飯 $31

又喺原價就$60,優惠價就$31,打開飯盒一睇就知份量無欺場,配雞油飯,雞件下面墊有唔少椰菜,仲附送一小兜泰式青瓜沙律,酸香爽脆,總之,咁嘅價就抵啦。啲海南雞已去晒骨,所以,入口啖啖肉,肉質嫩滑,皮薄又無乜皮下脂肪,所以,份外清爽,沾一沾啲泰式酸辣醬,令到雞鮮味更突出。而雞油飯無想像中咁油,但又唔算話好香。
泰潮海南雞飯
7 瀏覽
0 讚好
0 留言
泰潮海南雞飯
2 瀏覽
0 讚好
0 留言
泰潮海南雞飯
6 瀏覽
0 讚好
0 留言
就算喺正價,都覺得OK,何況依家近乎半價嘅優惠,當然喺抵到無朋友啦。不過,啲炸嘢就唔太適宜叫外賣喇。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
外賣自取
人均消費
$50 (午餐)
用餐優惠
優惠券