鼎豐火鍋台式料理 (已結業)

個FD話見到有間晚市平食火鍋想約我去試，走左去鼎豐火鍋台式料理到食埋先返屋企，因為晏入座，所以價錢都超抵，但就有限時，不過個半鐘乜都夠晒! 呢度係自助式自己夾食物，所以我地都係每樣夾少少試下先，好食再反兜，呢度邊爐食物款式唔算多，但食物種類都ok，又有甜品，糕點，仲有飯，同麵!一黎即夾肥牛，都唔錯肥瘦比例適中，又有牛味! 湯底清清地，甜甜地岩晒打邊爐! 魚皮炸得都幾脆卜卜，鹹鹹地! 黑蚊蚊既墨汁丸唔係個個鍾意食，但呢度既墨汁丸都唔錯好彈牙同墨汁味都幾濃烈! 其他丸類都不過不失，一樣好彈牙爽口! 好彩我最愛既生根呢度都有，拾兩下就食得! 蔬菜都洗得好乾淨，我地夾左d金菇，都幾新鮮好味!飲埋汽水，已經飽晒!