銀龍茶餐廳

營業中

休息中

朋友兩個人入去叫咗 兩個餐....叫咗一個菠蘿油餐 ： 一杯奶茶紅豆冰( 小冰 小甜) 加埋 菠蘿油， 正正常常咁啦 ，唔使30 蚊算係咁。 紅豆都 唔算硬 ，奶茶味適中，都唔算甜所以可以接受。跟住見到有牛雜麵好開心叫咗， 點知唔夠五分鐘 師兄姐姐返嚟話畀我聽冇 牛雜， 再改牛腩啦原來都係冇， 最後只有 compromise 要咗炸醬麵，再加奶茶多奶。奶茶用黑白奶所以我好滿意，不過可惜 叫咗加多 D 奶都係爭少少 ， 冇叫佢再加因為奶茶沖咗再事後加，啲奶同茶就唔會咁均勻冇咁好飲。 炸醬麵 你唔可以同一般粥粉麵專門店比較，茶餐廳四十幾蚊有埋奶茶飲 我都冇乜嘢 complain可以話悶悶地兩個人 入茶餐廳一般 standard 啦。