Café&Meal MUJI (已結業)

今次黎左銅鑼灣無印食野，呢度係用手機落單嘅，落完單店員會親自攞過黎，仲有個蓋蓋住，衛生又方便。蛋沙拉三文治麵包有烘過，脆脆地幾香口，加埋入面夾住啲粒粒分明嘅蛋沙拉同菜，幾夾幾好食！薯條就熱辣辣，配嘅沙律菜都好清爽。係食完啲香脆（熱氣）嘅野再食啲菜感覺就健康啲，仲可以解下油膩！佢仲有個兜仔分開裝住啲茄汁，幾精緻。跟餐配埋野飲，今次我就叫左杯橙汁。青蘋果芝士蛋糕 青蘋果同芝士嘅配搭都幾新奇，入面真係有塊青蘋果喺度！唔算得上好夾，但係都唔會難食。環境方面，因為今次係下晝去嘅，所以無咩人，四周圍唔會好逼，都幾舒服。不過到6點幾走嘅時候就已經坐滿人啦。