龍亭

今日同朋友lunch time 去位於佐敦新開呢間鐵板燒，因為我哋見OpenRice訂座有八折好抵，餐廳喺正街口角落大大個招牌，都好易搵到。我哋一人叫咗一個set，我見有八折，叫咗個貴啲嘅《季節廚師發辦套餐》，另外叫左支平平地嘅Sake, 食鐵板燒好似點都飲少少酒夾啲。首先出場嘅係沙律，沙律菜好新鮮，最特別係粒龍珠果，平時食生日蛋糕上邊都成日有一定唔會食，因為我試過係好難食，但係今次我對依粒龍珠果從此改觀，原來係清清地幾好味個喎。前菜係溫泉蛋，溫泉蛋係有一個好靚嘅碗裝住，另外加左魚子醬撈埋一齊食，即刻高級咗好多！來到第一樣主食，係兩款海鮮，我揀咗白鱔同扇貝，白鱔好出色！ 爽脆彈牙，配左七味粉同黑炭鹽，重點係係已經起晒骨，啖啖肉，必食之選，下次嚟一定會再點！扇貝落咗牛油同黑松露做汁，好香第二款主食係肉，我揀左雞肉，燒得外脆內軟，配牛油醬好好味麵豉湯唔鹹，入邊啲豆腐切咗好幼絲，我好欣賞～ 之後食埋鐵板炒飯，即刻飽晒最後甜品，今日係自家製柚子雪糕，滿足！呢間餐廳唔會好似其他鐵板燒咁有花巧嘅表演，但係睇得出師傅好用心，慢慢燒，都好值得坐吧枱睇。