尚素 (已結業)

一早約左班老死食飯，又係要我負責諗食乜！諗左好左先諗起呢間其他人建議過既素菜餐廳！到左尋晚約定時間，點不知天氣急降，已經心感不妙，凍冰冰梗最好打邊爐啦！不過book左台就照去尚素，由地鐵站行過去要十幾分鐘，真係有D遠。去到，見到裡面冷冷清清，冇乜人。唔理啦照叫野食，叫左四個餸，等左一陣先上菜，首先來左干窩煸榆耳，係由不同種類既木耳雲耳菌類尖椒一齊炒，沒有驚喜，而且偏咸偏油再來係牛肝菌香煎芙蓉鮮竹，上菜時一D都唔似剛剛煎好，而且偏凍，冇乜食到牛肝菌，只係食到煎淋左既腐竹，之後係大廚客家豆腐煲，失望之極，通常D乜煲乜煲都係個煲熱到辣手，呢個一D熱既感覺都冇，食落口豆腐個心仲有D凍，終於忍唔住叫個侍應返熱，返返來都只係有微微白煙，叫做熱左DD最後果唔記得個餸名，係芋頭百頁之類，又係唔夠凍冰冰嘅天氣仲要食D凍冰冰既餸真係極之失望😞