影片
更多
2024-09-19
653 瀏覽
同細妹一齊去左The One影Snoopy，影到攰就當然要搵個地方休息下。行過Odelice! 見到佢個法式下午茶Set好靚，所以我地一行三口就諗都唔諗就入去歎返個Afternoon Tea。我們被安排坐係窗邊卡位，感覺都真係幾舒服，玻璃窗夠開揚，所以影相都特別靚。我地三個就order左一個下午茶set，另外再叫左一個香蕉船可麗餅嘅Brunch Set。以巴黎鐵塔造型嘅下午茶層層架望落都已經好吸引，再加埋搶眼嘅桃紅色野餐墊，真係儀式感十足，仲有好浪漫嘅法式味道添。層層架上有鹹點5款同埋甜點4款，每件精緻得嚟又好食，而且仲包兩杯嘢，所以佢個CP值都好高。鹹點方面有滿滿蟹肉嘅蟹肉他他迷你撻、好在蘑菇湯口感得嚟又脆卜卜嘅炸黑松露蘑菇球、味道濃郁嘅菠菜芝士迷你蛋批、鹹香又creamy嘅煙三文魚多士，仲有清爽開胃嘅蕃茄紅甜椒蘸醬，件件都好味，我地仲食到要搶添…哈哈！甜點方面就有好有軟滑嘅巴黎式芝士蛋糕、清甜嘅士多啤梨迷你撻、馬卡龍，同埋我最鐘意嘅朱古力合挑布朗尼。只能夠講依個層層架真係睇得又食得，仲好打得添(我指打卡)。另外我地叫左個香蕉船可麗餅Brunch Set，佢有湯同飲品，都幾抵食。以可
我們被安排坐係窗邊卡位，感覺都真係幾舒服，玻璃窗夠開揚，所以影相都特別靚。我地三個就order左一個下午茶set，另外再叫左一個香蕉船可麗餅嘅Brunch Set。
以巴黎鐵塔造型嘅下午茶層層架望落都已經好吸引，再加埋搶眼嘅桃紅色野餐墊，真係儀式感十足，仲有好浪漫嘅法式味道添。
層層架上有鹹點5款同埋甜點4款，每件精緻得嚟又好食，而且仲包兩杯嘢，所以佢個CP值都好高。鹹點方面有滿滿蟹肉嘅蟹肉他他迷你撻、好在蘑菇湯口感得嚟又脆卜卜嘅炸黑松露蘑菇球、味道濃郁嘅菠菜芝士迷你蛋批、鹹香又creamy嘅煙三文魚多士，仲有清爽開胃嘅蕃茄紅甜椒蘸醬，件件都好味，我地仲食到要搶添…哈哈！
甜點方面就有好有軟滑嘅巴黎式芝士蛋糕、清甜嘅士多啤梨迷你撻、馬卡龍，同埋我最鐘意嘅朱古力合挑布朗尼。
只能夠講依個層層架真係睇得又食得，仲好打得添(我指打卡)。
另外我地叫左個香蕉船可麗餅Brunch Set，佢有湯同飲品，都幾抵食。
以可麗餅造成香蕉船外形，入面加上士多啤梨味同雲呢拿味雪糕、香蕉、焦糖花生、朱古力醬同埋焦糖醬。入口層次豐富，不過小心啲雪糕會溶，所以記得唔好打咁耐卡呀
張貼
