巴辣仔冒菜火鍋 (新祥街)

營業中

休息中

接女友收工，又遇着傾盆大雨，所以去上水火車站接她，諗咗好耐食乜好我突然記得有位朋友喺fb 提過黎呢間巴辣仔，係食咗兩次。我估差極有限，所以決定試吓。喺新祥街好易搵到巴辣仔，時間大約七點，客唔太多，安排了座位，送上餐牌，眼花瞭亂，最後叫咗－個大腸鯇魚煲。辣度無得揀，但不太辣，滾起夾餸，個煲好足料，大腸超入味鯇魚片好好味，大大片肉，但本少爺少ler 骨，所以要慢慢食。嘩！食咗—個小時，煲裡Ｄ餸夾極都有，咁有良心之小店實在買少見少，值得高度表揚。隨煲附送—碟靚生菜，另外，叫了竹笙、淮山。天地壹號趁煲超正。好味到要連湯飲。呢間會有下次，下次再試其他。