星巴克咖啡 (已結業)

下午喺中環有野做，搭左成個鐘地鐵，出到中環個天氣又焗又熱，經過世紀廣場頂唔順入左Starbucks買野飲解渴。
見到新出兩款新飲品-分別係巨峰提子蘆薈甘菊花星冰茶同埋石榴凝珠洛神花星冰茶。因為最近飲過冰搖洛神花茶，唔想重複，所以好快就決定左飲巨峰提子蘆薈甘菊花星冰茶。
因為今日係星期六，所以都幾多人，大概等左十分鐘先拎到杯野飲。杯入面有好多巨峰提子肉同埋蘆薈粒，好足料！甘菊花茶打成沙冰後十分解暑解渴！全部配合埋一齊好夾，而且好清新，非常適合喺最近又曬又熱嘅天氣飲！

巨峰提子蘆薈甘菊花星冰茶

$44