餃子屋

營業中

休息中

食過幾次餃子屋，都要排隊等位堂食。今日想快啲翻到屋企，決定買外賣同生餃。我叫左6隻芝士豬肉湯餃外賣，要魚膠淮山煲豬骨湯，半打粟米香菇豬肉生餃同半打紫菜豬肉生餃。6隻芝士豬肉湯餃$40+$1外賣盒芝士餃係我嘅最愛，第一次食嘅時候覺得芝士味好出，每粒水餃都好足料，比起一般出邊食嘅餃子再大粒好多，加埋香辣嘅菜脯一齊食更加惹味，不過食食吓都幾辣！個湯底好好飲，不過比起堂食個份量就少啲，同埋食完之後都有啲口乾。粟米香菇豬肉生餃，芝士豬肉生餃各半打$48晚餐喺屋企煮幾隻水餃食，點知煮完到食落先知原來佢賣錯餃子比我，明明我叫半打紫菜豬肉餃，點知比錯左芝士豬肉餃我！雖然我係中意食芝士，不過一日食兩餐芝士豬肉餃點都會滯咗少少。粟米香菇豬肉餃就正常水準啦。冇得食紫菜餃有少少失望！希望下次可以做得好啲。