Unique Café & Kitchen (已結業)

2樓一出LIFT就會見到呢個咁SHARP既餐廳門口，望住啲野食相都已經好肚餓，好想食。可能因為閒日，七點幾八點去到，等左幾分鐘好快就入得。餐廳黎講，面積算幾大，入到去裝修同氣氛都唔似係係工廈。坐低之後，望住個餐牌樣樣都好想試，一路都揀唔到，問左老闆娘有咩介紹之後就叫左一個飯一個小食一杯飲品。最先到既就係呢杯野飲，本身無咩期待同普通焦糖朱古力有咩分別，但一試就飲到真係略帶鹽味，所以就算有好多CREAM都唔會覺得好甜好膩，幾特別。 之後呢個小食都真伙無介紹錯，酒味唔算濃，有忌廉味但又唔會太膩，仲KEEP到蜆既鮮味。好足料，唔會有啲得個殼或者未開晒，真係要比個LIKE。 最後呢個飯真係世界級，本身都唔係好知呢個飯係用咩整，純粹貪得意叫左，點知食左就發現真係好好味，每粒飯都比啲汁包住，再加埋隻溫泉蛋MIX埋真係好PERFECT，一個人食完呢個都已經起碼八成飽。