Picoso

今日初嘗較偏門既菜式-墨西哥菜，位於荔枝角既工廈入面。當日客人吾多，用餐環境寧靜，上菜速度快，菜單方面有哂中英文有圖，同埋菜式入面有啲咩材料係度，仲提供埋set，客人可以慢慢揀咩野岩食。

鐵板手撕豬肉$92
配有4片薄餅，同3款醬（酸忌廉/蕃茄醬/牛油果醬）。個人就吾太中意豬肉既調味，不過薄餅夾埋少許豬肉同埋啲醬汁，就較易入口，最中意佢既牛油果醬。

芝士栗米烤焗捲餅$78
雖然聽個名以為個捲餅既重點係芝士同栗米，但入口係好正既墨西哥豆薯，芝士份量吾會過多，兩者好夾，配埋啲醬汁，好食！

香炸洋蔥圈$42
洋蔥圈有驚喜！香口之餘入面既洋蔥吾會爛哂，配埋酸酸地既他他醬，勁好食！



如果係荔枝角附近又想食啲特色既菜式，不妨黎試下，價錢尚算合理，有加一，都坐得舒服既～