Bella Shine (已結業)

放工陪同事去觀塘交收，之後佢請我去工業區一間叫Bella Shine食晚餐，餐廳位於工業大廈樓上，裝修擺設都好有特色，座位也寬敞舒適。同事話餐廳食材高質，味道唔錯，不防試吓！本來想叫烤雞，可惜已經賣晒，改叫烤菠蘿咕嚕豬仔髀，套餐包餐湯，今日係南瓜湯，味道鮮甜夠濃郁。蒜蓉包熱辣辣好香脆。豬仔脾有四隻，肉質鮮嫩，味道酸酸甜甜，越食越惹味！配上紫薯蓉，味道綿密香甜，更添美味！凍咖啡香濃。鹽燒雞中翼兩隻：火喉控制得宜，雞翼皮香肉嫩，夠曬味！