更多
2019-03-18
1524 瀏覽
朋友識食，知道灣仔開咗間新派私房菜仲要係由星級大廚主理，一早BOOK咗位就話帶我班為食鬼去了解下咩叫好味川菜。見下世面，哈哈哈。行過其實唔會想像到呢度係食中菜嘅地方，門面似日式而個名又似。連餐廳名字都係以LAB黎命名，非常有特色!辣子雞。唔似坊間咁食開全部都係雞肉丁，全部都係雞肉連皮／骨切細粒。所以食落要油香肉香更豐富。醋椒胡辣羮。少少辣又有少少酸。質感似碗仔翅但又更有花椒香味，飲落非常醒胃。素煸花生芽。花生芽第一次食，估唔到成支筷子咁粗。味道好爽脆甘甜花生味仍充足。五十二度慢煮樟茶鴨。慢煮令到鴨肉非常腍滑，食落一啲鴨羶味都無，反而係淡淡茶香。配以饃包同食，好好味道。當紅沸騰龍躉鰭。我地點咗小辣就覺得啱啱好，因為食咗幾款菜覺得呢度嘅辣入口好溫順，唔會一入口就嗆到標汗，而係令人食得舒服，辣嘅層次分明而有回香。龍躉鰭煮得入味而不失鮮味，魚肉滑嫰，魚皮好似啫喱咁好好味。仲有唔可以放過啲底料好似芽菜／粉條咁，因為吸晒個辣汁，絕對唔比魚肉輸蝕。小籠包。味道十分鮮香，內裡充滿肉汁。創新地方係浙醋可以針管注入，分量可以自行調整之餘又唔會咁容易夾爛小籠包嘅皮，食起上黎方便。回鍋本地黑毛豚。又係一道麻香
行過其實唔會想像到呢度係食中菜嘅地方，門面似日式而個名又似。連餐廳名字都係以LAB黎命名，非常有特色!
辣子雞
33 瀏覽
0 讚好
0 留言
醋椒胡辣羮
11 瀏覽
0 讚好
0 留言
素煸花生芽
26 瀏覽
0 讚好
0 留言
五十二度慢煮樟茶鴨
26 瀏覽
0 讚好
0 留言
五十二度慢煮樟茶鴨。慢煮令到鴨肉非常腍滑，食落一啲鴨羶味都無，反而係淡淡茶香。配以饃包同食，好好味道。
當紅沸騰龍躉鰭
29 瀏覽
0 讚好
0 留言
龍躉鰭煮得入味而不失鮮味，魚肉滑嫰，魚皮好似啫喱咁好好味。仲有唔可以放過啲底料好似芽菜／粉條咁，因為吸晒個辣汁，絕對唔比魚肉輸蝕。
小籠包
17 瀏覽
0 讚好
0 留言
回鍋本地黑毛豚
20 瀏覽
0 讚好
0 留言
回鍋本地黑毛豚。又係一道麻香惹味嘅菜式，豚肉薄切包住蒜泥及各種香料，食落好過癮，雖然辣味唔強但就不停刺激大家嘅口水分泌，特別開胃。
大連蜇頭拌萵苣
11 瀏覽
0 讚好
0 留言
大連蜇頭拌萵苣。海蜇頭非常爽口同脆身，配埋有咬口嘅萵苣，口感一流。同埋佢唔辣但非常麻香，啱晒用黎轉換下味道，俾舌頭休息一下。
燈影牛肉
45 瀏覽
0 讚好
0 留言
燈影牛肉。紙咁薄嘅牛肉片，擺係燈光下真係晶瑩剔透。
咬落十分酥脆而且花椒香味突出，就咁食／作為下酒小吃都一流。
黃耳尚素餃
9 瀏覽
0 讚好
0 留言
黃耳尚素餃。清湯飲落好滋潤，味道覺得有啲似竹蔗茅根但就更清淡，素餃嘅黃木耳餡好爽口。可能係食完咁多辣野，覺得份外清甜。
乾燒明蝦球
28 瀏覽
0 讚好
0 留言
乾燒明蝦球。個蕃茄燒汁真係可以撈兩三碗白飯，酸／甜／麻／香／辣恰到好處。醬汁係沿用香港開埠初期參照外國蕃茄醬而改良嘅方式做成，酸甜得黎又有丁點麻辣，非常醒胃。
玫瑰吐司抄手
39 瀏覽
0 讚好
0 留言
有機焦糖豆漿燉蛋
22 瀏覽
0 讚好
0 留言
有機豆漿
12 瀏覽
0 讚好
0 留言
以實驗室命名真係不無道理，因為呢度嘅川菜比想像中更有特色，一反平時只有辣辣辣嘅舊有觀念，令唔太食得辣嘅人如我，都可以品嚐到川菜菜嘅樂趣。值得返轉頭！
張貼
