金牌老香港茶餐廳 (已結業)

專做經典懷舊菜式既"⾦牌老香港茶餐廳", 由澳⾨威尼斯⼈度假村酒店再轉戰到香港山頂廣場，主推廣港式經典茶餐廳⽂化，室內裝修及陳設都係用香港懷舊特⾊建築物做主題，最正係出面以經典香港建築物「雍雅⼭房」做主題既佈置加埋山景，黄昏時靚到不得了，如果想揾個靚景同情侶打卡，依度包你滿意食物方面，年青既你會發現絕大部份可能係你聽過但無咩機會食過經典茶記食品，我係老鬼所以覺得份外有親切感，最驚喜係可以食到已經好少有機會見到既正宗雞蛋焗魚腸，一啖將炸香既油炸鬼，加埋充滿蛋香而濃味既魚腸放入口，非常痛快又好味，而且份量好大，兩個人食既話食完相信已經飽左7成，最好多d人share 食時才叫，但要留意每日只限量做5份，最好打電話去book左先。另外要推介既係手指多士，麵包部份極鬆脆香口，非常好奇點解可以麵包做到咁既效果，加上炸香既蝦肉，一啖放入口真係好好食。另外嗰嗰都讚既係避風塘椒鹽軟殼蟹，佢唔係特別，純粹係調味好同火喉控制得極好，外脆內軟，炸蒜極香口帶點微辣，好惹味。古法鴨腿湯飯我已經試過好多間，依度既湯底做得味道最好最有層次，鴨肉亦煮得夠淋，不過我個人喜歡淋到無牙都食到既程度，應該無咩人會好似我咁奇怪炒