更多
2017-03-04
600 瀏覽
第一次跟著蜜糖豆係屯門搵食，兩口子帶著定春走到功夫點心。嘩，好迫呢，好采有兩張二人迷你檯坐啫。不幸地食食下居然滿座要讓返張檯出黎，您叫我咁多點心點樣放？最好我倒晒落肚即刻埋單走人啦，最憎！叫左 6 個點心 1 湯 1 飯都只係 $180，經濟晚飯。花旗蔘紅棗燉土雞湯，雞湯味濃郁，飲不到花旗蔘、飲不到紅棗味，雞件已浸到鞋烚烚，淨飲湯汁吧。酥皮焗叉燒包，迷你版而且賣相麻麻，吸引力薄弱，雪影叉燒包靚仔好多呢。酥皮焗叉燒包，叉燒餡奀滋滋，薄薄一層搽果醬咩，得嗰兩滴真係使我黑晒面，多點餡就更好味道啦！外層菠蘿包甜甜帶椰子味，蠔汁叉燒略肥，大量汁只一丁點肉碎，整體可以的，唔難食。咸水角，唔係即炸的話必定爆油，一按下大量油射出黎，勁可怕！超油咸水角硬食一件，第二件放棄。翡翠叉燒腸，何來翡翠呢？無蔥無菜無芫茜架喎，真係好難捉摸喎！叉腸粒香甜味美，份量合理，粉皮雖厚，好采夠滑不漿口，淋上甜而不濁不澀不咸豉油，正路水平。突然掛住機場翠園迫爆叉腸，叉燒塞嘴仔得滿滿，勁歡喜。薑蔥牛柏葉，輕煙飄飄送上，熱氣迫人新鮮出爐！牛柏葉掛著厚厚芡汁，好燙啊！慢慢瀡入口中，爽爽彈彈，不老不韌剛剛好，無味的牛柏葉搭上濃濃薑蔥
不幸地食食下居然滿座要讓返張檯出黎，您叫我咁多點心點樣放？最好我倒晒落肚即刻埋單走人啦，最憎！叫左 6 個點心 1 湯 1 飯都只係 $180，經濟晚飯。
花旗蔘紅棗燉土雞湯，雞湯味濃郁，飲不到花旗蔘、飲不到紅棗味，雞件已浸到鞋烚烚，淨飲湯汁吧。
酥皮焗叉燒包，迷你版而且賣相麻麻，吸引力薄弱，雪影叉燒包靚仔好多呢。
酥皮焗叉燒包，叉燒餡奀滋滋，薄薄一層搽果醬咩，得嗰兩滴真係使我黑晒面，多點餡就更好味道啦！外層菠蘿包甜甜帶椰子味，蠔汁叉燒略肥，大量汁只一丁點肉碎，整體可以的，唔難食。
咸水角，唔係即炸的話必定爆油，一按下大量油射出黎，勁可怕！超油咸水角硬食一件，第二件放棄。
翡翠叉燒腸，何來翡翠呢？無蔥無菜無芫茜架喎，真係好難捉摸喎！叉腸粒香甜味美，份量合理，粉皮雖厚，好采夠滑不漿口，淋上甜而不濁不澀不咸豉油，正路水平。突然掛住機場翠園迫爆叉腸，叉燒塞嘴仔得滿滿，勁歡喜。
薑蔥牛柏葉，輕煙飄飄送上，熱氣迫人新鮮出爐！牛柏葉掛著厚厚芡汁，好燙啊！慢慢瀡入口中，爽爽彈彈，不老不韌剛剛好，無味的牛柏葉搭上濃濃薑蔥汁液還好，如果有辣椒油就更好。
鮮蟹粉小籠包，段隻計，叫兩隻試試。沾點醋降降溫即時啪入口，一咬爆漿肉汁澎湃，微腥的蟹粉帶著濃郁砂糖味湯汁，一般水準，一試無妨，再試悽涼。
古法潮州粉果，勁油粉果立立令。餡料中加入少少蔥少少芫茜免強頂得住，我食唔到的。葛、肉、花生，不太喜歡。只有大埔新明發既粉果才能使我滿意，全港最好味。
豉汁排骨飯，有趣的豆角排骨飯，新奇配搭。豉油咸味比甜味強得多，怪怪的。飯粒都夠乾爽，排骨肉多骨少又不肥大愛。
因為豉油有點偏咸，所以要跟香甜排骨齊齊食先能中和一下。排骨食晒，剩低既飯都要放棄，整體合格，入得口。
花旗蔘紅棗燉土雞湯
29 瀏覽
0 讚好
0 留言
酥皮焗叉燒包
23 瀏覽
0 讚好
0 留言
咸水角
25 瀏覽
0 讚好
0 留言
豉汁排骨飯
23 瀏覽
0 讚好
0 留言
翡翠叉燒腸
22 瀏覽
0 讚好
0 留言
酥皮焗叉燒包
21 瀏覽
0 讚好
0 留言
薑蔥牛柏葉
16 瀏覽
0 讚好
0 留言
鮮蟹粉小籠包
7 瀏覽
0 讚好
0 留言
古法潮州粉果
60 瀏覽
0 讚好
0 留言
張貼
