御前磯燒 (已結業)

雖然喺正屋企樓下，兼且開張已久，但因為總係覺得「食靚日本嘢梗係要出城㗎啦」，所以次次都過其門而不入。一次機緣巧合之下，同個華明友去試試呢間平時都幾有人氣、但喺openrice冇咩食評嘅屋村小店美國大生蠔 $48嚟個醒胃前菜先～～～生蠔又大隻又新鮮，一啲都唔腥，食完好想encore原條鰻魚飯 $78一上檯就忍唔住食咗幾啖鰻魚，然後先記得影相大大條鰻魚，78蚊絕不歡場鰻魚肉質綿軟，配上甜甜地嘅鰻魚燒汁，物超所值呀！！華明街坊們，以後唔洗去到紅磡咁遠都食到又平又好食嘅鰻魚飯喇另外仲點咁芒果軟殼蟹卷同「梅」組合壽司。兩味都冇咩驚喜，刺身唔算特別新鮮，大約係介乎爭鮮之上、元氣之下嘅級數。