更多
2019-09-10
186 瀏覽
今日咁岩約左朋友去尖沙咀食飯,見到厚福街個邊都幾多食肆,想食下火鍋就黎到呢間胡爐。一入到去見到中式風格裝修,就連啲杯碟都有特色花紋,所以都幾期待啊!🤣一開始店員會有8種調味俾你選擇,可以自己撈個醬, 沙茶醬、蔥、豉油呢啲當然唔少得啦。由於同行朋友唔食辣,所以點了雙併湯底,北海道牛乳花膠豆腐,有濃濃的牛奶香味,趁等食物個陣,當湯牛乳豆腐湯咁飲都幾惹味😛另外點左個四川麻辣湯底,可揀選小、中、大辣,我就叫左個小辣味道岩岩好,湯底配料入面有d腐皮、豬皮,吸收晒辣椒夠晒入味。叫咗個鴛鴦手切牛肉,其中牛肩肉值得推薦,肉質較滑身、又唔肥,啱晒我哋啊肥嘅人,而且數量都好多好有滿足感!海鮮拼盤都幾足料,除咗有新鮮蝦之外,d鮑魚帶子都幾大粒,又彈牙又冇乜雪味,一次過滿足幾個願望😆打邊爐當然唔少得響鈴啦,呢度係新鮮炸㗎,上菜個陣仲係熱辣辣,然後響鈴吸晒麻辣湯,夠晒辣好好味!嚟到餃子類別,我就揀咗個特別啲嘅口味,叫做黑松露蟹肉餃,呢隻餃子要浸落湯底40秒已經熟㗎啦,一日後當然有龍龍嘅黑松露味啦,而且有蟹肉嘅鮮味,記得浸耐左會爛晒,記得張計時!佢地有個招牌手打丸拼盤,一共4種口味,有蝦、牛肉、豬肉、墨魚,當中我
一入到去見到中式風格裝修,就連啲杯碟都有特色花紋,所以都幾期待啊!🤣一開始店員會有8種調味俾你選擇,可以自己撈個醬, 沙茶醬、蔥、豉油呢啲當然唔少得啦。
由於同行朋友唔食辣,所以點了雙併湯底,北海道牛乳花膠豆腐,有濃濃的牛奶香味,趁等食物個陣,當湯牛乳豆腐湯咁飲都幾惹味😛另外點左個四川麻辣湯底,可揀選小、中、大辣,我就叫左個小辣味道岩岩好,湯底配料入面有d腐皮、豬皮,吸收晒辣椒夠晒入味。
叫咗個鴛鴦手切牛肉,其中牛肩肉值得推薦,肉質較滑身、又唔肥,啱晒我哋啊肥嘅人,而且數量都好多好有滿足感!
海鮮拼盤都幾足料,除咗有新鮮蝦之外,d鮑魚帶子都幾大粒,又彈牙又冇乜雪味,一次過滿足幾個願望😆打邊爐當然唔少得響鈴啦,呢度係新鮮炸㗎,上菜個陣仲係熱辣辣,然後響鈴吸晒麻辣湯,夠晒辣好好味!
嚟到餃子類別,我就揀咗個特別啲嘅口味,叫做黑松露蟹肉餃,呢隻餃子要浸落湯底40秒已經熟㗎啦,一日後當然有龍龍嘅黑松露味啦,而且有蟹肉嘅鮮味,記得浸耐左會爛晒,記得張計時!
佢地有個招牌手打丸拼盤,一共4種口味,有蝦、牛肉、豬肉、墨魚,當中我比較鍾意下野,因為夠晒滑身同彈牙。另外豬肉丸都唔錯,係有啲梅菜係入邊,好似食緊梅菜肉餅嗰隻味😋
總結一下,牛肉係必點,鍾意食海鮮嘅都可以點,最推薦係佢個加松露蟹肉餃子夠晒特別,另外食得辣嘅話麻辣湯底都好推薦!
張貼