更多
2021-05-24
332 瀏覽
中午經過厚福街，決定喺度搵間餐廳食個lunch。最後都係要靠Openrice帶路，先至會搵到一間咁特別嘅日式餐廳，Mo Mo Kushiage 佢哋嘅主打係串揚，香港應該唔係好多地方食到，既然而家冇得去日本就不如喺香港試吓啦。餐廳以居酒屋格局，面積不大，枱子排得密密，木枱木燈，木凳夠大張坐得好舒服。細心一看店主應該好鍾意 figure, 成間居酒屋都被細細粒的figures 包圍着, 有理由相信店主係一位女性。餐牌都印得好靚，圖文並茂，有食物原圖和炸後的模樣，好細心喎！Lunch set 價錢合理幾十蚊都有交易，可選擇茶漬飯，蕎麥麵，烏冬等。串揚海鮮定食 $148店員將定食奉上，感覺分量十足，每份餐也配上自家製醬汁「紅酒酸汁」和兩種味噌醬（辣與不辣）定食包括松葉蟹腳2串，日本本帶子2串，日本鯡魚子昆布1串、醃蘿蔔、麵豉湯、芝麻醬沙律、茶漬飯「串揚」內置來自關西，同炸天婦羅一樣好考大廚嘅功力，客人最怕吃落去成口油。見到面前件件炸物皮薄，色澤金黃，入口完全唔覺得油膩，松葉蟹同埋帶子用嚟炸我係覺得有啲嘥料，因為突出唔到個鮮味，但係兩樣海鮮點咗紅酒酸汁後，香味提介起來，而且酸汁可以減低油膩感，
最後都係要靠Openrice帶路，先至會搵到一間咁特別嘅日式餐廳，Mo Mo Kushiage
佢哋嘅主打係串揚，香港應該唔係好多地方食到，既然而家冇得去日本就不如喺香港試吓啦。
餐廳以居酒屋格局，面積不大，枱子排得密密，木枱木燈，木凳夠大張坐得好舒服。細心一看店主應該好鍾意 figure, 成間居酒屋都被細細粒的figures 包圍着, 有理由相信店主係一位女性。
餐牌都印得好靚，圖文並茂，有食物原圖和炸後的模樣，好細心喎！
Lunch set 價錢合理幾十蚊都有交易，可選擇茶漬飯，蕎麥麵，烏冬等。
串揚海鮮定食 $148
店員將定食奉上，感覺分量十足，每份餐也配上自家製醬汁「紅酒酸汁」和兩種味噌醬（辣與不辣）
定食包括
松葉蟹腳2串，日本本帶子2串，日本鯡魚子昆布1串、醃蘿蔔、麵豉湯、芝麻醬沙律、茶漬飯
「串揚」內置來自關西，同炸天婦羅一樣好考大廚嘅功力，客人最怕吃落去成口油。
見到面前件件炸物皮薄，色澤金黃，入口完全唔覺得油膩，松葉蟹同埋帶子用嚟炸我係覺得有啲嘥料，因為突出唔到個鮮味，但係兩樣海鮮點咗紅酒酸汁後，香味提介起來，而且酸汁可以減低油膩感，令人可以一串一串咁你吃到停唔到口。
另外
「茶漬飯」有驚喜喎，見到飯面鋪滿白飯魚，令到成碗飯增添左一絲絲嘅鮮味。
我揀咗「串揚雞肉定食」 $88
日本華味鳥雞胸肉各一串，配上四款日式醬汁「梅醬，芥末，明太子，芝士」
配凍蕎麥麵
雖然係用上雞胸肉，但是炸雞入口有彈性完全唔鞋口， 加上不同嘅醬汁，好似食緊四樣唔同嘅食物咁，我個人十分喜歡酸甜甜嘅梅醬，味道好清新；明太子醬都唔錯有少少辣好開胃。
「凍蕎麥麵」加蔥花、鵪鶉蛋和醬汁撈勻，入口冰涼，麵質爽口，清新好吃啊！
限時優惠，只要在FB /IG like Mo Mo 餐廳，就可以 $1 串串掦，超抵，絕對沒有不like 的理由。
曰本蠔、半熟玉子、蘆筍、蝦餅三文魚籽各一串
雖然係一蚊雞但完全唔會偷工減料，
「蝦餅三文魚籽」又靚又好食，蝦餅入口超級彈牙，三文魚子卜卜脆，真係好正！
「炸蘆筍」炸粉都好薄、蘆筍清脆爽口
「半熟蛋」師傅炸功一流，雞蛋仲係流心㗎
「日本蠔」反而冇乜特別
估唔到盲舂舂上咗去試新野，會有咁好嘅體驗，感覺食咗好多炸嘢但係又唔覺得熱氣，好神奇！
真心推介非一般的「串掦」體驗
張貼
