更多
2021-03-13
3776 瀏覽
被華爾街日報評為巴黎最好食嘅牛角包Gontean Cherrier2019年係尖沙咀K11 Musea 開設香港第一間分店，GC係2010年法國開創首間分店之後係九年間已經係日本、首爾、新加坡、澳洲等地方迅速擴展，係全球開設超過 50 間分店，當中主打既牛角包一日銷售量可以賣到1,000個。今次呢間香港GC分做4個區域，分別係麵包店、餐廳、Coffee Corner同自設既開放式麵包工場，設有開放式廚房，邊排隊可以睇到師傅整麵包之餘，仲聞到新鮮出爐嘅麵包香味，而且可以睇準新鮮出爐時間即刻夾走新鮮既麵包。除咗有人氣口味之外，好似抹茶、亞麻籽、原味、芝士火腿、朱古力杏仁，仲有香港限定嘅蛋白霜紅桑苺牛角包。除咗麵包都有好多款法式甜品同咖啡，好似雲呢拿焦糖法式凍餅、開心果焦糖凍餅，而且仲有提供熱食同飲品嘅Cafe同餐廳。-排隊當日係星期日，下晝嚟到見到一條人龍大概有10個人，以為要排好耐好似bakehouse，但人龍去得好快，可能因為依間係大家揀好咗去俾錢，而bakehouse係去到先揀，所以排咗幾分鐘就去到cashier。另外一提GC有小小立食區既位置，如果想買完即刻食唔想去CAFE或者餐廳
被華爾街日報評為巴黎最好食嘅牛角包Gontean Cherrier2019年係尖沙咀K11 Musea 開設香港第一間分店，GC係2010年法國開創首間分店之後係九年間已經係日本、首爾、新加坡、澳洲等地方迅速擴展，係全球開設超過 50 間分店，當中主打既牛角包一日銷售量可以賣到1,000個。
今次呢間香港GC分做4個區域，分別係麵包店、餐廳、Coffee Corner同自設既開放式麵包工場，設有開放式廚房，邊排隊可以睇到師傅整麵包之餘，仲聞到新鮮出爐嘅麵包香味，而且可以睇準新鮮出爐時間即刻夾走新鮮既麵包。
除咗有人氣口味之外，好似抹茶、亞麻籽、原味、芝士火腿、朱古力杏仁，仲有香港限定嘅蛋白霜紅桑苺牛角包。除咗麵包都有好多款法式甜品同咖啡，好似雲呢拿焦糖法式凍餅、開心果焦糖凍餅，而且仲有提供熱食同飲品嘅Cafe同餐廳。
-
排隊
當日係星期日，下晝嚟到見到一條人龍大概有10個人，以為要排好耐好似bakehouse，但人龍去得好快，可能因為依間係大家揀好咗去俾錢，而bakehouse係去到先揀，所以排咗幾分鐘就去到cashier。
另外一提GC有小小立食區既位置，如果想買完即刻食唔想去CAFE或者餐廳可以一試，不過記得保持社交距離!
-
1️⃣ 原味牛角包 💰24（👅: 9/10）
呢個牛角包可以咁出名，因為製作方法一絲不苟，師傅用上法國麵粉同牛油製成麵糰，令牛角包角係烤焗過後有濃濃牛油香，而且會用急速冷凍麵糰技術令麵糰發酵3-4個鐘，令麵糰內部保持鬆軟度，最後加上蛋漿，放入攝氏170°C既焗爐焗20分鐘就完成，而且師傅會調校室內溫度保持20°C左右，令到麵糰保持濕潤。
原味牛角包
$24
45 瀏覽
1 讚好
0 留言
未食落去個刻已經知同其他croissant有分別，從外觀睇到已經係好有層次口感，
每層分明而且超薄嘅酥皮，咬落去一定係酥脆既牛角包，烘到係平均既金黃色，完全無油令令，賣相一定係我見過最靚既牛角包。
牛角包咬落外層非常酥脆，內層鬆軟，質感輕盈但係口感有層次，牛油味有小小但唔算好勁，夠乾身，唔似平時牛角包好油又濕，內餡既蜂巢位就唔算平均，
不過感覺係要即場買即場食，如果買到返屋企應該就冇咁酥脆。
-
2️⃣ 朱古力杏仁牛角包💰32（👅: 9.5/10）
朱古力杏仁牛角包
$32
38 瀏覽
1 讚好
0 留言
上述所講既牛角包質感依然係度，本身無特別期望不過朱古力杏仁同牛角包出奇地夾，牛角包表面有好多杏仁片同糖霜，杏仁片份量幾多，杏仁就係包既內餡。表面既杏仁片食落好香脆，同入面既杏仁餡裡應內合，杏仁味夠濃郁，不過味道就會比較甜D，同因為有內餡所以偏濕，不過對我黎講口感同味道都有驚喜，而且食落唔咁膩，會比起原味牛角包更加想ENCORE。
如果本身鍾意食杏仁或者朱古力，或者鍾意食甜D既，會更加推介呢個口味比起原味，如果淨係想食酥皮既口感同多小小牛油香就食原味會好D。
-
🌟不論係bakehouse定係GC既牛角包都係好好食，各有千秋，但以易買既程度我一定會揀GC，因為呢家次次次經過bakehouse都見到最少20人既人龍，有時更甚有40-50人，要等成10幾20分鐘仲要唔知排到去買唔買到，但GC既人龍5分鐘內就排到，而且有工場，牛角包從不缺貨，淨係呢點已經滿足到我想食好食既牛角包既想法。
如果下次我會試紅桑苺牛角包、scone、法式焦糖奶油酥、蘋果批。
快速總結:
原味牛角包: GC牛油味較重，Bakehouse內餡層次多D，做法傳統D
價錢Bakehouse > GC
想食非傳說口味既牛角包 > GC
唔想排咁耐想食牛角包 > GC
想食牛角包+Scone > GC
想食牛角包+葡撻 > Bakehouse
-
👅味道: 9.5/10
🍴環境: 8/10
💰消費: $56 (服務費: NA)
張貼
