更多
2017-04-23
553 瀏覽
今日放咗工因為要買啲嘢，所以就同同事去左尖沙咀，買完之後我哋就去咗厚福街一帶搵食。之前幾次試過韓國嘢海鮮餐今次我哋揀咗一間食fuison 菜嘅西餐廳我地點左一個二人餐＄1288如果係Facebook打卡嘅話就會有六五折優惠即係折番港紙六百幾蚊其實真係好抵!!!!! 不如我再講下呢一個套餐係點樣抵法～呢個套餐佢有四款頭盤餐湯海鮮飯主菜同埋甜品。當我同同事食到中段嘅時候其實已經有七成飽...好啦事不宜遲快快入主題而家首先介紹嘅有前菜生蠔配凍鮑魚生蠔好大隻！海水味亦都好濃再加埋醬汁成件事配搭得宜～另外呢一個凍鮑魚一食落去嘅感覺唔知點解覺得有啲中式嘅滷水味，但食落又出奇地夾！推薦！至於第二個前菜就係鮮果酥盒伴煙三文魚花配香芒汁，三文魚片造成一個花嘅形狀再配合埋五彩繽紛嘅鮮果盒呢一道菜雖然平平無奇但以設計顏色跑出 ！再嚟嘅法國鵝肝焦糖菠蘿煎得好香脆內軟再加埋菠蘿嘅甜味成件事就好完美～今次到到廚師餐湯：南瓜粟米湯用咗好多南瓜蓉同平時好稀嘅一啲都唔同，睇得出佢用咗好多材料好有誠意。半個主菜率先出場首先有海膽黑松露野菌意大利飯黑松露味好香濃再配埋海膽感覺一絕令人一口接一口咁食晒。我哋兩個人嘅主菜終於到
我地點左一個二人餐＄1288如果係Facebook打卡嘅話就會有六五折優惠即係折番港紙六百幾蚊其實真係好抵!!!!! 不如我再講下呢一個套餐係點樣抵法～呢個套餐佢有四款頭盤餐湯海鮮飯主菜同埋甜品。當我同同事食到中段嘅時候其實已經有七成飽...
好啦事不宜遲快快入主題而家首先介紹嘅有前菜生蠔配凍鮑魚
生蠔好大隻！海水味亦都好濃再加埋醬汁成件事配搭得宜～另外呢一個凍鮑魚一食落去嘅感覺唔知點解覺得有啲中式嘅滷水味，但食落又出奇地夾！推薦！
至於第二個前菜就係鮮果酥盒伴煙三文魚花配香芒汁，三文魚片造成一個花嘅形狀再配合埋五彩繽紛嘅鮮果盒呢一道菜雖然平平無奇但以設計顏色跑出 ！
再嚟嘅法國鵝肝焦糖菠蘿煎得好香脆內軟再加埋菠蘿嘅甜味成件事就好完美～
今次到到廚師餐湯：南瓜粟米湯用咗好多南瓜蓉同平時好稀嘅一啲都唔同，睇得出佢用咗好多材料好有誠意。
半個主菜率先出場首先有海膽黑松露野菌意大利飯黑松露味好香濃再配埋海膽感覺一絕令人一口接一口咁食晒。
我哋兩個人嘅主菜終於到喇，主菜可以四選二，我哋分別選上美國安格斯肉眼扒同埋香煎銀鱈魚，鮮果銀雪魚銀雪魚賣相吸引精緻而且煎得好乾身，外邊香口但係肉質係非常之稔；
至於牛扒配上粗海鹽醬汁又係另一個水準之作牛扒肉身好諗而且好多肉汁好juicy又係另一個加分位。
最後就係沙巴用黑碳頭呢個甜品賣相好精美朱古力球裏面包住吉士醬味道有少少似雪糕感覺好有趣好味道～呢個二人餐有好有海膽又有鮑魚如果打完拖之後只係需要六百幾蚊其實真係好超值下次會再同朋友嚟食過呢！
張貼
