更多
2018-09-17
2161 瀏覽
餐廳喺K11購物藝術館入面,裝修非常有格調,而且食客好多都係衣著入時,都真係唔少潮人捧場,整間餐廳都散發著藝術氣息。我哋星期六下午一點鐘去到,都差不多坐咗九成客人,捧場客咁多,肯定唔係「得個樣」,就Hi返個tea先~【朱古力泡沫咖啡 Cafè Mocha 】雖然預咗有拉花,不過拉到咁靚,一上枱都禁不住讚嘆,唔係咁捨得飲添。咖啡味同朱古力味並重,唔加糖都夠晒味。【蜜糖牛奶 $36】純白牛奶上面用蜜糖做出拉花效果,顏色配搭幾靚,不過紋路有啲似心電圖。蜜糖味突出但唔會過甜,牛奶香滑又熱辣辣,飲完又sweet又warm。【蟹肉沙律•忌廉芝士冰•青蘋果啫喱 $96】外觀睇好似太空之中一粒行星,有行星環同隕石碎片咁。中間係大堆真蟹肉,蟹肉好新鮮又清涼,上面有啲細細粒嘅青蘋果啫喱,配搭幾特別。隕石碎片其實係芝士嚟,味道有少少辣咁,幾惹味。成個沙律不論外觀同味道配搭都好特別,好有創意同心思。【HIGH TEA 下午茶 $378/兩位用】主角嚟啦~有別於一般餐廳用多層「雀籠」嘅華麗feel,呢度係用一大塊白色長方形嘅板整齊排列所有食物,有格調又不失美觀,即刻影張鳥瞰圖呃like先~蔬菜沙律 - 分開上嘅
我哋星期六下午一點鐘去到,都差不多坐咗九成客人,捧場客咁多,肯定唔係「得個樣」,就Hi返個tea先~
【朱古力泡沫咖啡 Cafè Mocha 】雖然預咗有拉花,不過拉到咁靚,一上枱都禁不住讚嘆,唔係咁捨得飲添。咖啡味同朱古力味並重,唔加糖都夠晒味。
【蜜糖牛奶 $36】純白牛奶上面用蜜糖做出拉花效果,顏色配搭幾靚,不過紋路有啲似心電圖。蜜糖味突出但唔會過甜,牛奶香滑又熱辣辣,飲完又sweet又warm。
【蟹肉沙律•忌廉芝士冰•青蘋果啫喱 $96】外觀睇好似太空之中一粒行星,有行星環同隕石碎片咁。中間係大堆真蟹肉,蟹肉好新鮮又清涼,上面有啲細細粒嘅青蘋果啫喱,配搭幾特別。隕石碎片其實係芝士嚟,味道有少少辣咁,幾惹味。成個沙律不論外觀同味道配搭都好特別,好有創意同心思。
【HIGH TEA 下午茶 $378/兩位用】主角嚟啦~有別於一般餐廳用多層「雀籠」嘅華麗feel,呢度係用一大塊白色長方形嘅板整齊排列所有食物,有格調又不失美觀,即刻影張鳥瞰圖呃like先~
蔬菜沙律 - 分開上嘅沙律。淋上柚子汁,甜甜地帶微酸,蔬菜新鮮,好開胃。
鹹、甜點係隔行排開的,先嚟鹹食,比較特別嘅有:
青瓜蟹肉沙律 - 堆得高高嘅蟹肉,一啖食落去好滿足~
紅菜頭三文魚 - 原來係用紅菜頭醃出嚟嘅三文魚,味道又幾特別。
吞拿魚 - 呑拿魚肉係幾鮮美,但洋蔥粒就放多咗,遮咗啲吞拿魚味。
鵝肝凍批 - 綿滑嘅鵝肝下面係脆餅,口感特別。
羊奶芝士麵包 - 睇外觀察覺唔到係羊奶芝士嚟,一啖擺落口就係濃濃羶味⋯⋯唔啱我哋。餐牌冇列出羊奶芝士,而且唔係個個受得羶味,建議餐廳可以事先問定食客啱唔啱食,唔好浪費嘛~
最後以甜食完場:
紫薯撻 - 上面有朵小小嘅紫色喇叭花,下面就係軟綿綿嘅紫薯蓉,好吸睛。味道啱啱好唔會過甜。
馬卡龍 - 有四種味道:朱古力、咖啡、檸檬、紅桑子。我就鐘意紅桑子味,檸檬味就太甜,味道過重。
雜錦朱古力 - 色彩繽紛,入面嘅味道每粒都唔同架,我就鍾意綠色嗰隻綠茶朱古力~
食完成餐,我哋飽晒之餘,相機亦都食到食唔落(冇電啦⋯⋯),皆因外觀擺盤、食材配搭都有水準又創新,搞到我哋好似攝影師咁⋯一陣又要花時間upload上IG啦,好忙呀!
張貼