更多
2018-07-19
3123 瀏覽
喺厚福街食完泰國船麵，仍有點兒意猶未盡，很想再吃點甜食，滿足一下甜胃。記得同街有一間主打中國茶及西式素食嘅餐廳「2DP」，據說店裡的甜品，頗有特色，所以一直將餐廳放喺口袋名單，打算找個機會來一試，反正這天路過，就一於俾個藉口自己嚟個 happy ending。餐廳裝潢以白色為主調，佈置清新簡潔，牆身上的木架放滿小盆栽、茶餅、茶壺等，配上一室淺木色檯櫈，令整個設計看來既年輕又有格調。據說店名之所以叫做「2DP」，其實是因為店主希望將泡茶技術普及化，並且訂立了明確的工序和時間，而且準確度達至兩個小數點，即 2 decimal places，果然有心思。翻開餐牌，有頭盤、主菜、薄餅、意粉、沙律、餐湯、漢堡、甜品及夏日特飲等，選擇都幾多。餐廳設最低消費，而用餐限時則為 90 分鐘。由於一心為吃甜品而來， 當然不作他選。其實有好多款甜品都想試，心大心細，左挑右選，最後揀咗鐵觀音紅豆抹茶芭菲同焦糖燉蛋伴普洱朱古力意大利雪糕。鐵觀音紅豆抹茶芭菲 ($72)，芭菲杯以脆米粒及紅豆作底層，中間是忌廉和抹茶寒天，頂層是鐵觀音 Gelato 及灑上抹茶粉的奶油甜忌廉，用料非常豐富，賣相突出，用來呃 Like
喺厚福街食完泰國船麵，仍有點兒意猶未盡，很想再吃點甜食，滿足一下甜胃。記得同街有一間主打中國茶及西式素食嘅餐廳「2DP」，據說店裡的甜品，頗有特色，所以一直將餐廳放喺口袋名單，打算找個機會來一試，反正這天路過，就一於俾個藉口自己嚟個 happy ending。
餐廳裝潢以白色為主調，佈置清新簡潔，牆身上的木架放滿小盆栽、茶餅、茶壺等，配上一室淺木色檯櫈，令整個設計看來既年輕又有格調。據說店名之所以叫做「2DP」，其實是因為店主希望將泡茶技術普及化，並且訂立了明確的工序和時間，而且準確度達至兩個小數點，即 2 decimal places，果然有心思。
翻開餐牌，有頭盤、主菜、薄餅、意粉、沙律、餐湯、漢堡、甜品及夏日特飲等，選擇都幾多。餐廳設最低消費，而用餐限時則為 90 分鐘。由於一心為吃甜品而來， 當然不作他選。其實有好多款甜品都想試，心大心細，左挑右選，最後揀咗鐵觀音紅豆抹茶芭菲同焦糖燉蛋伴普洱朱古力意大利雪糕。
鐵觀音紅豆抹茶芭菲 ($72)，芭菲杯以脆米粒及紅豆作底層，中間是忌廉和抹茶寒天，頂層是鐵觀音 Gelato 及灑上抹茶粉的奶油甜忌廉，用料非常豐富，賣相突出，用來呃 Like 一流。鐵觀音 Gelato 入口帶淡淡茶香、質地幼滑，啱曬愛茶一族。奶油忌廉相當滑溜，入口可以嘗到清新抹茶香。紅豆蓉不太甜膩，質感鬆軟，跟清香幽雅嘅 Gelato 配搭得剛好。
至於另一客焦糖燉蛋伴普洱朱古力意大利雪糕 ($62)，燉蛋面層嘅焦糖燒得很香脆，不厚不實，用匙輕輕一敲，糖面「卜」一聲地破開，既薄且脆。嘗一口，外層微暖，咬下去好似剝了殼的雞蛋般滑溜，食完甜到入心。伴吃的 Gelato 以普洱和朱古力製成，口感輕盈，充滿獨特茶香，餘韻一直停留於口中，十分舒服清爽，最適合夏天用來消暑。
其實餐廳的午市定食亦非常經濟，$68 已經有交易，而且仲包前菜及是日餐湯，可惜這天已吃過午飯，下次有空會嚟試下。
張貼
