更多
2018-09-09
1081 瀏覽
其實早喺今年年初，就已經聽朋友提過葵涌廣場有間叫「Miss Marble」嘅人氣甜品店，據說店子主打雲石流心戚風蛋糕。喺 Facebook 同 Instagram 睇過啲蛋糕相片，面頭嘅雲石紋超治癒，用嚟打卡呃 like 一流，所以已經即時將店舖放咗喺 wishlist。最近聽朋友講，店子搬咗去尖沙咀山林道，地點更加就腳，所以即刻靜雞雞訂咗個蛋糕，打算同妹頭預祝生日。「雲石流心蛋糕系列」有 4吋mini/6吋/8吋 3 個 size 可供選擇，而口味就有：比利時72% 特濃朱古力、金莎黑朱古力、Twinnings 伯爵茶、炭燒咖啡、伊藤園抹茶牛奶同紫薯牛奶。原來連雲石顏色、蛋糕形狀同蛋糕面嘅裝飾都可以自己揀；顏色除了黑白色，仲有 Tiffany Blue、天空藍、BB 粉同迷人紫等。見人少少，就訂咗個 4吋紫薯牛奶配迷人紫 ($440)。聽說蛋糕係到取前一個鐘頭前先至做，由於比預訂時間早到，所以嚟到時，店員說要請我稍等。趁空檔睇下餅店嘅環境。入面地方不大，但佈置勁 fancy，除了有一大幅粉紅色嘅花牆外，店內仲設有座位供客人等候、用作堂食又或者坐低傾下偈，做法非常窩心。蛋糕做好後，店員
「雲石流心蛋糕系列」有 4吋mini/6吋/8吋 3 個 size 可供選擇，而口味就有：比利時72% 特濃朱古力、金莎黑朱古力、Twinnings 伯爵茶、炭燒咖啡、伊藤園抹茶牛奶同紫薯牛奶。原來連雲石顏色、蛋糕形狀同蛋糕面嘅裝飾都可以自己揀；顏色除了黑白色，仲有 Tiffany Blue、天空藍、BB 粉同迷人紫等。見人少少，就訂咗個 4吋紫薯牛奶配迷人紫 ($440)。
聽說蛋糕係到取前一個鐘頭前先至做，由於比預訂時間早到，所以嚟到時，店員說要請我稍等。趁空檔睇下餅店嘅環境。入面地方不大，但佈置勁 fancy，除了有一大幅粉紅色嘅花牆外，店內仲設有座位供客人等候、用作堂食又或者坐低傾下偈，做法非常窩心。
蛋糕做好後，店員先拿出來讓我拍照，然後再在旁邊寫上我要求嘅人名，放進透明的塑膠盒內，再綁上絲帶，賣相一流，感覺超高貴。臨走前，店員還再三囑咐我說：「要盡快吃，以確保入面嘅餡料流心！」本來一早約好妹頭在家等我，但估唔到這個鬼靈精，臨時有事，最後只好將蛋糕放在雪櫃，留到晚上才享用。
雖然雪咗幾個鐘，但係個蛋糕仍然完好無缺，一樣咁靚，令小妮子心花怒放。其實切開時，已經預咗個蛋糕嘅流心程度，無新鮮即食咁澎湃，幸好味道亦不俗。面頭嘅迷人紫雲石紋係由熱溶棉花糖製成，完全沒添加色素，令人吃得放心。蛋糕食落軟綿綿，入面嘅紫薯牛奶係用紫薯蓉製成，真材實料，可以食到濃郁紫薯味，而且唔太甜，配埋蛋糕食，味道超夾。瀏覽過網頁，原來餅店仲有海鹽芝士奶蓋蛋糕、梳乎厘蛋糕，甚至散水餅等供應，下次小鬼生日，都可以考慮下嚟呢度再訂蛋糕。
張貼
