葡匯咪走雞葡國餐廳 (已改名) 查看

香港要食到正宗嘅葡國菜真係選擇非常之少，今次經朋友介紹就食咗呢間葡國餐廳，唔講你都要知，因為呢間餐廳喺香港來講都相當出名，而且菜式都比較正宗，如果想食葡國菜真係值得一試。餐廳中裝潢非常有葡萄牙嘅特色，而且店內亦有多款葡萄牙美酒開選擇，鍾意飲酒嘅朋友一定要試吓。葡萄牙風乾臘腸臘腸係葡萄牙直送，當中更係用新鮮肉製成，所以味道真係唔同啲。食前會有店員用火燒令表面更加香脆。葡式蕃茄沙律蕃茄相當新鮮，而且整個醬汁都係廚師自家製，將咁新鮮嘅醬汁攪拌落去番茄沙律，味道真係更加鮮甜清新。烤焗深海大鱸魚推介菜式，味道真係超惦，而且餐廳選用較大的深海鱸魚，肉質嫩滑且結實，口感一點都不油膩。非洲蝦配蒜蓉包蒜蓉包相當鬆脆，加埋蝦肉及醬汁一齊食相當惹味。特別抵讚佢個蝦肉都幾彈牙。傳統免治牛配白飯聽講係葡萄牙較為地道的家庭菜，有別於我哋食開的免治牛肉飯，呢個免治牛肉係比較乾身且肉味較濃，加埋蛋汁拌埋一齊食相當惹味。蘋果酥皮批食到最後當然唔少得甜品啦，而呢個蘋果批表面整了很多鬆化的酥皮，唔會太甜。