更多
2015-11-16
967 瀏覽
話說小妹準備結婚，開始減肥前一餐緊係要食好D,多謝幾位兄弟姊妹今餐先～跟住一班識食既人係唔同D,自己係尖沙咀番工咁耐都冇黎過呢間叫石亭既居酒屋，好～今晚就試下你～地點唔算難搵，個人幾鐘意門口呢D裝潢，有Feel。鋪面唔算大，大概坐30人左右…本來居酒屋就係唔大，所以都冇話好出奇，氣氛舒服就可以！牆上有各式各樣既菜式可以揀，小妹最鐘意木牌既Design入正題，話說今晚係被請客，全晚菜單由友人發板！因為呢到其中一道主打就係和牛，所以黎到呢到真係不能不食呀！而小妹第一次食日本黑毛和牛刺身，本身自己唔係牛魔王，但忍唔住都要Encore，就咁食就好鮮，配埋佢既和牛汁，再加d洋蔥…入口即溶化(依家打個食評時諗番起都流口水)天婦羅．入面除左有勁大隻既花竹蝦、南瓜同蕃薯之外，仲有出面好少見既沙錐魚、苦瓜，仲有就係超級要食既－超甜栗子(真係唔知點解所以蔬菜都可以咁甜…超滿足)石亭居酒屋第二道主打，就係呢隻生蠔！好肥厚！其真名叫真蠔．真正既生蠔！上面紅色既係辣既蘿蔔蓉。鮮甜 肥美，好香既海水味，唔會太咸。因為太大，冇辦法一口，但咬一半已經覺得個口腔好滿足，簡直想留番半舊帶走～刺身．三個字：無得輸！珍寶蝦，
跟住一班識食既人係唔同D,自己係尖沙咀番工咁耐都冇黎過呢間叫石亭既居酒屋，好～今晚就試下你～
地點唔算難搵，個人幾鐘意門口呢D裝潢，有Feel。鋪面唔算大，大概坐30人左右…本來居酒屋就係唔大，所以都冇話好出奇，氣氛舒服就可以！牆上有各式各樣既菜式可以揀，小妹最鐘意木牌既Design入正題，話說今晚係被請客，全晚菜單由友人發板！
因為呢到其中一道主打就係和牛，所以黎到呢到真係不能不食呀！而小妹第一次食日本黑毛和牛刺身，本身自己唔係牛魔王，但忍唔住都要Encore，就咁食就好鮮，配埋佢既和牛汁，再加d洋蔥…入口即溶化(依家打個食評時諗番起都流口水)
天婦羅．入面除左有勁大隻既花竹蝦、南瓜同蕃薯之外，仲有出面好少見既沙錐魚、苦瓜，仲有就係超級要食既－超甜栗子(真係唔知點解所以蔬菜都可以咁甜…超滿足)
石亭居酒屋第二道主打，就係呢隻生蠔！好肥厚！其真名叫真蠔．真正既生蠔！上面紅色既係辣既蘿蔔蓉。鮮甜 肥美，好香既海水味，唔會太咸。因為太大，冇辦法一口，但咬一半已經覺得個口腔好滿足，簡直想留番半舊帶走～
刺身．三個字：無得輸！
珍寶蝦，好彈牙，洗得又乾淨，食得勁放心～
吞拿魚腩：重點係，唔只個樣吸引，食落D油脂好正，魚味好濃又結實，完全將某連鎖壽司鋪比下去
海膽：鮮甜回甘，個人比較喜歡就咁食
總結黎講：呢間真係值得Encore既餐廳，員工都好好禮貌。見到有對情侶坐左係個風口位，個女職員都好細心咁問下佢地要唔要調位…唔錯！
張貼
