丼吉日式吉列豬排專門店 (彩星集團大廈) (已結業)

今日起身諗住食個brunch，諗諗吓不如去廣東道蘋果朝聖，順路探吓Tonkichi日式吉列專門店。Order了牡丹蝦三文魚籽刺身和二人餐，二人餐頭盤先來一碟炸軟殼蟿配醬汁及Sapporo啤酒，蟿炸至金黃色，炸粉薄，很香脆唔油膩，唔知係唔係掛住飲啤酒，食曬都唔記得先影相，唔好意思。跟住，牡丹蝦肥美，蝦頭仲好靚，靈機一觸問吓經理蝦頭可唔可以炸，經理話要加少少錢，見蝦頭咁新鮮，OK啦，炸蝦頭好香脆，點醬汁食好鮮甜，連殼都可以食埋，計炸軟殼蟿之外又多樣嘢餸酒，真係麻煩了經理及大廚。跟住，三文魚籽超新鮮，很鮮甜，唔會好似其它食店咁咸，其實三文魚籽係我哋既favorite，加在熱烘烘的日本飯面食好似去咗北海道食三文魚籽丼，非常美味。因為掛住食，又唔得影相，唔好意思，其實在廣東道這間Tonkichi食咗好多年，由地下搬到上十樓，水準一直都keep住好高，不只炸物做得好，連刺身都好有水準，好食過其它壽司店好多。最後，二人餐送上，有蝦、蠔、豬柳、豬排，配上熱烘烘發光的日本飯，好唔好食都唔駛講啦。