一樂日本料理 (已結業)

好耐無食放題，趁七一假期去回味一下吧！無意中畀我發現「一樂」嘅前身，竟然係「相撲手」！之前食過「相撲手」，食物質素唔錯之餘又抵食，但無奈已經結業了。依家開返間「一樂」，我哋又可以再次大快朵頤。是晚準時來到餐廳，地址依舊，人面全非。「一樂」以寛敞的空間、時尚新穎的面貌展現人前。隨著科技日益進步，智能化點餐已成趨勢，只需要用wechat掃一下QR code及餐枱號，就可以隨意開始挑選食物，非常方便快捷，上菜快，漏單少！刺身刺身嘅種類都唔少，賣相夠靚。三文魚厚切，但唔夠鮨香。油甘魚、吞拿魚、鯛魚、鯨龍魚等，魚味唔重。刺身蝦肉企身，但唔鮮甜。赤貝、北寄貝等十分爽脆。帶子鮮甜爽滑。希靈魚爽囗非常，唔會過酸。壽司好鬼鐘意食呢度嘅手握壽司，除咗件件精緻小巧，一夾唔會散開之外，飯糰口感十分鬆軟，放進口中會粒粒鬆開，令人雀躍，胃口大開。尤以火炙類更受小妹歡迎👏，當中最好食嘅係火炙三文魚腩壽司，火炙過後，油脂豐腴，比三文魚壽司更為滋味！火炙蒲燒鰻魚，蒲燒醬汁味道好好，令鰻魚吃起來好香嫩。火炙海膽魷魚，魷魚嘅爽脆彈牙加上海膽嘅鮮味，配搭很讚。火炙海鹽左口魚，火炙後更為油潤嫩滑。火炙黑松露帆立貝，一啖一口，味