影片
更多
2021-09-20
48 瀏覽
屋企人生日，因為佢好鍾意食日本嘢，趁生日就帶佢過嚟尖沙咀食好西，撐枱腳食返餐豐盛嘅生日飯。天滿宮 — 充滿日式風情嘅居酒屋，晚市時段二人份量和牛套餐，相當抵食，19:30前離座更加只係優惠價$388。前菜牛蒡好爽好脆，前菜食用一流。另外仲有兩碟好fresh嘅沙律，開一開胃。清酒生蠔Size相當足嘅生蠔，店員建議食法係將生蠔浸落清酒15秒先享用。生蠔本身貿素高，好鮮甜。咁大個仔第一次浸生蠔落清酒食，估唔到味道又幾夾喎，好似仲提升咗生蠔嘅鮮味。刺身拼盤賣相好唔錯，刺身拼盤每日嘅組合都唔同，我今日呢個組合係三文魚、吞拿魚、油甘魚、赤蝦。三文魚、吞拿魚、油甘魚都好厚切，呢碟刺身主要係屋企人食(事關佢好鍾意食刺身)，整體點評係好新鮮甜美。我食咗一隻甜蝦同一塊油甘魚(讓晒比屋企人食)，感覺好新鮮，質素拋離一般放題店。池魚仔炸得好香脆，越食越過癮，送酒一流。串燒總共4串串燒，分別有和牛粒、雞肉、菠蘿、秋葵。和牛粒相當高水準，秋葵好少串燒咁整，原來燒完嘅口感係咁。反而特別想講下燒菠蘿，面頭有一層焦糖，好吸引味蕾！火炙和牛卷和牛係炙燒過，壽司裡頭係醃過嘅蘿蔔，口感層次好豐富！牛肉Tataki和牛下面係醃
前菜
牛蒡好爽好脆，前菜食用一流。另外仲有兩碟好fresh嘅沙律，開一開胃。
清酒生蠔Size相當足嘅生蠔，店員建議食法係將生蠔浸落清酒15秒先享用。生蠔本身貿素高，好鮮甜。咁大個仔第一次浸生蠔落清酒食，估唔到味道又幾夾喎，好似仲提升咗生蠔嘅鮮味。
刺身拼盤賣相好唔錯，刺身拼盤每日嘅組合都唔同，我今日呢個組合係三文魚、吞拿魚、油甘魚、赤蝦。三文魚、吞拿魚、油甘魚都好厚切，呢碟刺身主要係屋企人食(事關佢好鍾意食刺身)，整體點評係好新鮮甜美。我食咗一隻甜蝦同一塊油甘魚(讓晒比屋企人食)，感覺好新鮮，質素拋離一般放題店。
池魚仔炸得好香脆，越食越過癮，送酒一流。
串燒總共4串串燒，分別有和牛粒、雞肉、菠蘿、秋葵。和牛粒相當高水準，秋葵好少串燒咁整，原來燒完嘅口感係咁。反而特別想講下燒菠蘿，面頭有一層焦糖，好吸引味蕾！
火炙和牛卷和牛係炙燒過，壽司裡頭係醃過嘅蘿蔔，口感層次好豐富！
牛肉Tataki和牛下面係醃製蘿蔔，味道幾特別。
和牛壽喜燒食到呢度已經好飽喇，以為個壽喜燒份量應該唔多，上到枱真係嚇一跳。壽喜燒配料好豐富，有冬菇、豆腐、娃娃菜、葛絲粉，所以煮到個湯底好鮮甜。當然，壽喜燒嘅重點梗係和牛啦，點埋生蛋液更加嫩滑！
套餐跟兩杯飲品我哋加錢轉咗草莓氣泡特飲＋青檸柚子清酒特調。
蕨餅甜品係兩塊蕨餅。
張貼
