影片
更多
2019-07-20
111 瀏覽
尖沙咀鉄火堂開左咁耐都未食過，因為厚福街出名“遊客”區，食店又貴又冇特別。點知星期六誤打誤撞試到又幾有驚喜喎😯放假去到一兩點先擘得大對眼，計埋梳洗車程， 出到尖沙咀都已經下午茶時間，乜都未食餓到肚都凹。淨係想快d搵到又平平地、又食得飽、又有d好西feel既野食（sorry for being fussy, 話晒都放假嘛）成個尖少咀實在太多同胞，行左好幾條街都搵唔到間靜d既，最後行到厚福街反而冇咁多人。而餓鬼們最後餓得濟行唔完條街就入左鉄火堂。人唔太多一入去就有得坐。餓鬼們一坐低二話不說各自攞起紙menu自顧自地畫。自選魚生丼有成40款魚生任揀，作為選揀困難症患者仲要咁肚餓，確實係又愛又恨。見到Menu寫住4款$59 / 5款$69，即時以0秒決定剔5樣。最後揀左油甘魚 吞拿魚 炙燒左口魚裙邊 馬刀貝 同 最愛蟹膏醬😍，仲加多$5轉左冬菇壽司飯底。等待永遠係最痛苦。唔知點解明明下午茶時間冇乜人都可以等左20分鐘先有野食。餓鬼們真係餓到靈魂出竅💀終於等到野食嗰下真係感動到眼有淚光！！！可幸既係，個丼飯係有誠意既。配左一碗熱熱既面豉湯，仲有一件刻左“鉄火堂”既甜蛋，賣相真係幾好。吃第一啖係暖
放假去到一兩點先擘得大對眼，計埋梳洗車程， 出到尖沙咀都已經下午茶時間，乜都未食餓到肚都凹。淨係想快d搵到又平平地、又食得飽、又有d好西feel既野食（sorry for being fussy, 話晒都放假嘛）
成個尖少咀實在太多同胞，行左好幾條街都搵唔到間靜d既，最後行到厚福街反而冇咁多人。而餓鬼們最後餓得濟行唔完條街就入左鉄火堂。
人唔太多一入去就有得坐。餓鬼們一坐低二話不說各自攞起紙menu自顧自地畫。
自選魚生丼有成40款魚生任揀，作為選揀困難症患者仲要咁肚餓，確實係又愛又恨。
見到Menu寫住4款$59 / 5款$69，即時以0秒決定剔5樣。
最後揀左油甘魚 吞拿魚 炙燒左口魚裙邊 馬刀貝 同 最愛蟹膏醬😍，仲加多$5轉左冬菇壽司飯底。
等待永遠係最痛苦。唔知點解明明下午茶時間冇乜人都可以等左20分鐘先有野食。餓鬼們真係餓到靈魂出竅💀
終於等到野食嗰下真係感動到眼有淚光！！！
可幸既係，個丼飯係有誠意既。配左一碗熱熱既面豉湯，仲有一件刻左“鉄火堂”既甜蛋，賣相真係幾好。
吃第一啖係暖暖既冬菇飯。。。香喎！唔錯～
再吃油甘同吞拿。。。嗯，fairly新鮮。很好。
馬刀貝略略唔夠爽，左口魚都係少左d魚油。。。
最後用蟹膏醬撈埋d飯。。。真係一粒米都唔好晒。再來一個burp...係好滿足既☺️
成餐飯既性價比係高既，用料中上。係尖沙咀旺區來講算係咁，下次都會再食。
自選五款魚生丼+冬菇壽司飯
$74
5 瀏覽
0 讚好
0 留言
張貼
